Parlamentario Endy Croes ta keda positivo pa cu e posibel proyectonan tanto di Refineria y Eagle LNG. Desde cu RDA a firma LOI cu ambos companianan a inicia e parti di negociacion pa mira si finalmente Quanten LLC por yega na un contracto cu RDA (Aruba). Mesun proceso ta andando pa un posibel contract di RDA cu Eagle LNG.
Negociacionnan cu Quanten Consorsio LLC ta avansando:
Nos por a compronde cu e negociacionnan cu Quanten Consorsio LLC cu RDA Aruba ta avansando. Quanten LLC hunto cu RDA ( team negociado) ta trahando duro pa por yega na un contracto. Quanten LLC hunto cu RDA ta pidiendo tur partidonan di interes pa cada un señala nan interesnan alaves ta trahando deligentemente riba un “time line” pa cu restauracion y construccion momento ta asina leu. Tur detaye lo forma parti di un posibel contract den futuro cercano. Quanten & Consortions LLC a bisa tambe cu nan lo percura pa “deliver” tur locual nan a priminti den nan propuesta final. Idea semper ta pa crea un “partnership” exitoso cu pais Aruba. Cu lo tin obstaculo pa sobre pasa ta un hecho pero lo percura pa por yega na otro. Ta trece e miho nan di mundo den e business aki pa refurbish y rebuild e refineria. Cu hopi creatividad lo percura pa sostene e promesa riba un producto final basa riba energia limpi y energia renobable.
Consulnan di USA lo haci un segundo bishita:
Siman entrante lo tin dos Consul di USA na Aruba. tanto e Consul General como e Consul di economic affairs. Por compronde cu e interes di Merca ta hopi grandi y ta sostene ambos companianan Americano pa cu e proyectonan. Tanto Refineria y alaves Eagle LNG. Alaves US Department of Energy mediante Secretaris for Fossil Energy tambe ta apoyando e proyectonan aki y nos lo haya sa poco mas den e dianan nos dilanti. Laga nos mantene nos Fe y Speransa y cu Papa Dios brinda e guia necesario na e teamnan cu ta negociando pa pronto nos lo por tende un resultado final y hopi alentador. E dos proyectonan aki lo percura pa un “boom” atrobe pa nos economia creando un cantidad di cuponan di trabou cu pagonan atractivo pero tambe un pilar economico adicional pa Aruba cual hustamente nos tin mester. Tur esaki lo contribui na un miho calidad di bida pa nos conciudadanonan. Parlamentario Endy Croes ta pidi tur instancia y/of companianan envolvi den e negociacionnan pa cu e dos proyectonan aki pa tur duna e miho di nan banda mirando e bienestar general di Aruba como e punto di salida. Esaki lo por ta e buelta historico cu Aruba mester pa consolida nos economia cu pilarnan fuerte y nobo.
