Parlamentario Endy Croes (MEP): Awe kier splica e gobierno actual con pa deal cu Refineria y LNG

Parlamentario Endy Croes ta reacciona riba Mike De Meza kende recientemente a resucita despues di mas di 1 luna sin pasa banda di trabou. Na prome luga integridad ta cuminsa na Bo mes. Parlamentarionan di AVP no a laga nan mala maya y ta cobra un salaris sin pone pia na trabou. Sigur esaki ta algo cu mester wordo corigi den nos sistema.

Mike de Meza experto di awa dushi sin ningun logro den 8 aña:

Por a scucha x minister di e gobierno corupto di AVP Mike De Meza bagatalisa negociacionnan andando tanto riba Refineria y e proyecto di Eagle LNG. Tristo ora Mike de Meza kende a masacra WEB cu e famoso hedging cu a costa WEB 300 miyon florin y e mesun x minister aki tabata central den negociacion cu CITGO cu a firma un papelucho cu No a sirbi Aruba di nada. Awe kier splica gobierno con pa negosha. Mester recorda Mike de Meza cu RDA e tempo aya a firma contract cu un compania blo bashi. Contract a wordo firma cu CITGO Aruba Holding LCC un compania lanta den pura na Delaware USA cu solamente 50 mil florin como startcapital. Pues ora sigui e proceso corupto cu Mike de Meza y AVP a encamina a negosha berdad cu CITGO Petroleum inicialmente y enberdad CITGO Petroleum tin fondo pero esun cu a firma e contracto corupto mes ta cu CITGO Holding Aruba blo bashi. Rol di CITGO Petroleum? CITGO Petroleum, esun cu placa, a firma un Service Agreement sin ningun responsabilidad tampoco obligacion unda via Management Fee nan lo a saca miyones si e proyecto bira realidad. Esaki ta manera “BANDIDONAN” di AVP manera Mike de Meza a negosha pa pais Aruba. Un hende decente na su tino nunca por a mara Aruba di e forma aki cu un Holding sin placa. Awe Mike de Meza kier grita cu a laga CITGO bay sin paga 320 miyon dollar. Tristo pa scucha un persona prepara papia disparate asina aki.

Ken tabata amigonan di Mike de Meza den henter e asunto di CITGO?:

Refrescando Mike de Meza su memoria ta cu kendenan el a deal? Nos por corda biahamento den avion priva di Roberto Rincon. Nos por corda fiestamento den apartamento luhoso na Housten. Por corda e potret unda Mike de Meza himsself a negosha cu Roberto Rincon y Pollo Carvajal. Mike de Meza por conta un poco di e Board y Staff di CITGO dicon mayoria a bay sera? Lamentablemente otro a fayese. Ken ta Nestor Martinez? Ken ta Raul Baradat? Ken ta Carlos Coredor? Ken ta Hesus Longo? Ken ta Nestor Sambrano? Pues Mike de Meza awe den aña di eleccion kier resucita pa purba combense pueblo di kico? Bo a haya 8 aña y a biaha rond mundo. Bo a negosha cu Petro China, Petrobras, Repsol y un cantidad mas. Bo a forsa cera un contracto corupto cu hendenan dudoso. Boso a secuestra Parlamento pa pasa un contracto di 2000 pagina sin cu miembronan por a studia esaki. Awe cu tin un luz na horizonte Bo no kier duna gobierno actual un fare chens pa haci su trabou. Mike de Meza como minister di finanzas cu no ta compronde un pataraca a hinca Aruba den debenan grandi esta a crea e Mega Debe. Pues un minister fracasa. Como minister di energia Mike no a logra net net nada den 8 aña. Puro show. Pues lo ta miho Bo retira di politica pero porfabor nunca pero nunca mas causa daño nan di e magnitud aki na Aruba.