Parlamentario Endy Croes (MEP): AVP ta sinonimo di hipocrita; AVP a vota contra contra Loonsubsidie y FASE perhudicando esunnan mas den dolor

Parlamentario Endy Croes no por compronde e politica di sinberguensa cu AVP ta practica. AVP hustamente e partido cu a desgracia e finanzas di pais Aruba. Mike Eman y henter su elenco a permiti pa henter su ekipo crea e Mega Debe di Aruba. Nos por corda na 2014 momento Hulanda a intermedia dunando Mike Eman un KB, con Mike enbes di subi avion bay Hulanda a bay bebe ensure yora bou palo dilanti cas di gobernador invitando su sostenedonan pa bay bati wea y grita firma awor. Asina Mike Eman a pensa cu e lo mester resolve e desaster financiero cu e mes a crea. Si no ta pa e mal maneho financiero aki di Mike Eman y AVP awe Aruba no ta depende asina tanto di ayudo di Hulanda. Banda di tur esaki Mike Eman a yama e Hulandesnan pa “verkrachters” Pues prohibi pa lubida parti di e historia amargo.

AVP a vota contra ayudo pa nos ciudadanonan:

Gabinete Wever Croes mester a ruim op e desaster di Mike Eman y AVP unda apenas den 2 aña a logra converti deficitnan di 444 miyon di (AVP) den Surplus na 2019. Proyeccion pa cu presupuesto 2020 tabata mustra cu Aruba lo yega 46 miyon di Surplus. Lamentablemente Aruba y mundo a wordo confronta cu un Pandemia ( Covid 19) sin presidencia cual a bolter henter e panorama. Parlamento a trata final di maart 2020 un presupuesto di emergencia pa asina traha espacio pa brinda ayudo na 37000 mama y tata di famia cu nan trabou tabata na peliger. Mesora a bini cu e proyecto di FASE esta e asistencia social pa esunnan cu a perde trabou. Banco Central y Economische Zaken ambos a haci calculacionnan cual a culmina cu gobierno mester presta 1200 miyon pa traspasa e aña y pa yuda nos comunidad. Locual nunca pero nunca ningun hende por a spera cu partido AVP lo a vota contra dicho presupuesto. Sin ningun argumento pero solamente practicando nan politica barata AVP su 9 Parlamentarionan a vota contra e e presupuesto y e ayudo social. Contra FASE pa esunnan cu a perde trabou. Contra Loonsubsidie pa esunnan cu ta haya un ayudo di gobierno. Contra e sosten di 4000 florin pa kwartaal na companianan. Contra Social Crisis Plan. Contra tur e ayudonan cu e presupuesto aki a brinda pueblo den nan dolor durante henter aña 2020. Kico pueblo enrealidad por a haci AVP pa nan vota cu asina tanto odio? Kisas AVP por contesta esaki. Laga esaki ta un les pa nunca mas duna AVP un sosten cu Bo voto. AVP ta falso y no ta di confia!