Parlamentario Endy Croes a reacciona riba Mike Eman y AVP. Mirando e desaroyo cu ta tumando luga unda un Lider di un partido mester ta esun cu ta duna e bon ehempel nos por constata un Mike Eman totalmente desorienta . Despues cu Minister Presidente di pais Aruba Evelyn Wever Croes pa e rason di ta para pa INTEGRIDAD a entrega retiro di su Gabinete na Gobernador demostrando asina cu MEP ta walk the talk. MEP no ta papia so pero ta tuma accion momento ta necesario y ta pone contenido di su palabranan tras di accionnan manera a tuma luga. Integridad pues haci lo corecto hasta ora ningun hende ta wak.
Mike Eman a subi caya y festaha sin respet pa protocol:
Por a tuma nota cu Mike Eman y AVP a subi caya celebra na un manera despropocional sin ningun clase di respet. Si usa e palabra “shouro” kisas tin hende kier rabia. Mira kiko ta pasando na nos hermana isla Curacao. Esey 100% ta e resultado di campaña y eleccion. Cu Papa Dios guia Curacao pa nan por sali di e situacion penoso cu nan ta aden y Aruba su portanan ta habri pa yuda den e proceso aki tanten cu nos por. Nos mester ta grandi suficiente pa siña di esaki y promove pueblo pa respeta e protocolnan. No ta pornada expertonan di nivel mundial manera di WHO y RIVM ta e liña di conseho pa nos profesionalnan. Nos mester ta orguyoso di e maneho di Evelyn Wever Croes den e pandemia aki cu ta tumando desicionnan corecto na momentonan oportuno pa maneha e situacion di pais Aruba y mantene esaki bou control pa e pais por draai. Awe schoolnan ta habri, airport ta habri, contratistanan por traha y nos ta bibando relativamente normal cu un economia flotando y lorando. Ban mantene nos mes na disciplina pa pasa door di e crisis aki y hunto enfoka pa nos recuperacion.
Profeta falso Mike Eman lo regala 12.6% bek:
Mike Eman a yama su sostenedornan (mayoria di nan ta esnan cu a masacra Aruba cobrando dineral como coordinador 2009-2017) dilanti cas di partido y asina subi caya pa celebra. Kiko realmente tabata tin di celebra no tabata mucho kla. No ta promer biaha den historia di Aruba cu un gobierno ta entrega retiro na gobernador. Henny Eman na 2 ocasion a pasa den esaki. Pues AVP ta bon conosi con esaki ta hinka den otro. Locual si ta hopi precupante ta e actitud infantiel di Mike Eman y AVP. Mike Eman sin tapa boca a sinta grita y manipula engaña su hendenan cu e lo kibra tur acuerdo cu Hulanda y lo debolbe tur Minister y Parlamentario 25% bek y empleadonan publico 12.6% bek. Na promer lugar Mike Eman kier bolbe como Promer Minister pero mesora kier un aumento di 25%? No kier coopera pa 4000 persona keda cobra FASE di e placa aki? Na di dos lugar mescos Mike Eman a gaña pueblo na 2009 cu AVP lo “ELIMINA BBO” y na 2017 momento AVP a bandona gobierno BBO a keda 3% esaki lo no ta diferente. Esta tuma un pueblo hasi? Awor Mike Eman kier hunga cu Bo emocion riba 12.6% di salario. Rumannan nos mester ta solidario cu henter Aruba. Rond 4000 alma , sea mama of tata di famia ta cobrando FASE un suma di 950 florin di locual nos tur ta entregando pa asina nan tambe por biba of sobrebibi. Pues por mira un manipulador Mike Eman causando daño grandi cu su mentiranan. Hunto nos lo sali di esaki.
Mike Eman a plama COVID 19 :
Mike Eman a bay bishita hospital y despues a cende bela cu tur e miembronan di e “circo” di AVP dilanti hospital. Mike Eman a yama hopi proficional den un ballroom na Hotel y a traha un rapport con pa atende COVID y a entrega esaki na Gobernador. Tur locual ta para den su propio rapport traha cu input di gran mayoria di profesionalnan cu ta atendiendo e crisis actual Mike mes a kibra. Su propio proposicion pa cu maneho di covid Mike mes a laga na filingrana. Ta mesun cosnan ta keda bin afor, laba man, mantene distancia y bisti mondkapjes. Pueblo di Aruba Mike Eman a hasi net lo contrario atrobe. No a bisti mondkapjes, a brasa sunchi y baba tur hende y no a mantene distancia. Pueblo ban keda alerta pa e “Wave” # 4 esta WAVE MIKE EMAN no dal bo. Foei Mike pueblo a spera mas di Bo. Pa cu e sticker cu Mike ta partiendo Aruba ta mi cas mi kier terminda bisando Mike y AVP cu KIA ta BOSO Cas!
