Aruba mester di sosten di tur su hendenan pa hunto nos traspasa e episodio aki

Parlamentario ENDY CROES ta splica cu pa basta tempo ta tuma nota den comunidad di basta discusionnan innecesario. Primordialmente riba rednan social y na radionan emisora un grupo contra otro ta manifesta diferente preocupacionnan contra otro.

Aruba a wordo a bati hopi fuerte door di Covid 19:

Covid 19 a afecta henter mundo pero Aruba por ehempel cual su economia ta draai rond 80% rond di turismo a wordo a bati y afecta formalmente. Den Rapport di Standard & Poors Aruba a sali e number 1 den 122 pais di esunnan cu su economia a wordo mas hopi afecta. Esaki ta indica e magnitud di e daño cual ningun pero ningun experto rond mundo por a mira ta bin of a antipa riba dje. Gobierno den un estilo di emergencia mester a nabega e “barco” Aruba den lamanan bruto pa tene nanishi riba awa den temponan sumamente dificil.

Cu positivismo y contribucion di tur hende nos lo sali:

Siguiendo e desaroyo hopi o di cerca mi mester a cuenta cu no ta un tarea facil. Palabra di gratitud na tur esunnan cu dia y nochi ta elabora cu tur e risiconan cu nan mes ta core cu e simpel rason esta pa yuda nan pueblo sali di esaki. Na e momentonan aki ta di suma importancia pa e comprension humano y aporte positivo di cada conciudadano briya mei mei den e crisis aki. E no ta algo facil y nos no a sali afo ainda. Nos mester percura hunto pa cuida Bo mes y cuida otro respetando e protocolnan estableci pa asina evita un di tercer “wave”. Asina nos economia ta haya oportunidad di sigui crece te alcansa of hasta supera cifranan di 2019.

Parlamentario Endy Croes ta tuma hendenan cu NO ta politico cu hopi odio den nan curpa y esaki lo no aporta na Bo pais. Respeta democracia y resultado di eleccion. Den aña 2021 lo tin un proximo eleccion y pueblo lo sa di balora trabounan fuerte di por ehempel nos Prome Minister cu no tabata tini e nada facil.

Asina lo sa di balora traves di Bo voto esunnan cu Bo ta sinti cu lo por nabega e pais aki mei mei di temponan hopi dificil. Ta haci yamada na pueblo pa laga politica pa politiconan pero como ciudadano ban tur yuda otro. Si bo bisiña falta algo saca un man pe y asina tur contribui cu otro pa hunto nos pasa e episodio di covid 19 aki. Mi ta positivo y hopi sigur cu pronto e solo lo briya atrobe pa cada un di nos riba e pais aki.