Parlamentario Endy Croes ta splica cu ta imposibel compronde e mentalidad di miembronan di AVP. Na 2017 un total di 12 Parlamentario di AVP a vota “VOOR” pa un Ley cual Raad van Advies y Gobernador despues mester a tira den bari sushi y nunka a wordo bekrachtig.

 

Marlon a saca e control di directeur di SVB afor pa e.o Hooiboer y De Meza:

Momento cu un candidato wordo nomina pa bira Minister e mester pasa un screening y ta verifica su integridad. Den e Ley di screening di Corsou cual tabata e lijndraad tin pa cu esun di Aruba tin ancra cu directuer di SVB ta hasi un screening si e candidato por ehempel ta un dunador di trabow ( comerciante) su comportacion di pagonan na SVB den ultimo 5 añanan y si tabata avisa momento cu tin cambionan di circumstancianan importante.

E parti aki Marlon Sneek a sake completamente for di artikel 5. Pues si Bo ta un comerciante riba lista y wordo nomina como candidato pa minister Bo no mester pasa screening mas di Bo comportacion na SVB. Raad van Advies a caba cu Marlon Sneek riba su agrumentacionnan pakiko el a saca esaki afor. Parlamentario Endy Croes ta compronde cu esaki el a hasie pa acomoda su amigonan di AVP manera Hooiboer, De Meza, Bermudez, Richard Arends como cu tur tin negoshi banda di ta Minister y muy bien por ta cu ningun tabata cumpli debidamente cu SVB y otro nos no lo por pensa.

Den e ley tabata para na artikel 2 lid 1 cu candidato nomina pa Minister den screening mester pasa door di un justitieel onderzoek. Marlon a cambia esaki pa justitieel antecedenten onderzoek y a limita esaki na un candidato pa minister cu ta sospechoso y a wordo castiga.

Pues si Bo ta un candidato sospechoso mei mei den un investigacion segun e cambio di Marlon Sneek ta ok pa Bo ta Minister. Raad van Advies a laga Marlon Sneek na werki riba e parti aki y ta incomprendibel con e 12 miembronan di AVP na 2017 por a aproba e ley aki den Parlamento.

Corectamente Gobernador a rechasa esaki y nunka a firma e ley di Marlon Sneek y AVP cual nunka a bira un realidad y a tira esaki den bari sushi. Concluyendo Marlon Sneek presenta un Ley cual a drenta Parlamento como un Ley A y a bin cu un cantidad di cambio di cual e ley a sali manera un ley ful diferente esta un Ley Z cu cambionan pa acomoda y defende Mike Eman y tur e Ministernan e tempo aya.

Nan idea tabata ta pa laga nan sigui fiesta cu e probabilidad di por a bini bek como minister. Tristo e actitud di Marlon Sneek y AVP. Dialuna awor un ley nobo di coleganan Edgard Vrolijk y Rocco Tjon lo wordo trata pa corigi e desaster di AVP y Marlon Sneek y trese un Ley cu ta carga consehonan positivo di Raad van Advies y cual sigur lo wordo bekrachtig pa Gobernador unaves cu esaki wordo trata y keda aproba.

Tipo di Parlamentarionan manera Marlon Sneek mester retira di Politica. Retirando e lo sirbi pais Aruba mihor. Marlon Sneek ta sirbi interes personal y interes di nan partido AVP enbes di sirbi interes general di pais Aruba. Aruba merese mihor!