Benny Sevinger lo mester presenta “geboei” pa huramenta of Gobernador lo mester huramente den KIA
Parlamentario Endy Croes ta splica cu Aruba banda di ta pasando den su pior momentonan di un crisis mundial esta Covid 19 cual lo bay den historia, ta preparando pa bay pasa den e berguensa nacional di mas grandi.
Esaki tin di haber cu 25 di juni ultimo Aruba a celebra democracia atraves di un eleccion democratico. Sinembargo Mike Eman a core campaña pidiendo su votadonan pa sostene x minister di AVP Benny Sevinger kende ta deteni na KIA na Santo Patia cu acusacionnan hopi grave di corupcion. No obstante esey votadonan di AVP a sostene Benny pa e por a saca su mes como Parlamentario.
Mientras Benny cera den KIA lo drenta Candelaria ta para wak:
Benny Sevinger cu e resultado aki lo bira Parlamentario como cu no tin un ley pa screen Parlamentario manera si ta e caso pa cu Minister. E acusado di corupcion nan monstruoso pa cu terenonan di pais Aruba como sospechoso mayor lo huramenta mientras e X Alto Inspecteur di Polis Robert Candelaria number 8 riba lista di AVP lo perde su posicion den Parlamento pa Benny drenta. Crioyo den pueblo ne corupto paden y e polis pafo. E señal cu nos ta manda pafo pa nos comunidad pero tambe internacional ta totalmente robes. Kico ta opinion di demas votadonan di AVP? Only in Aruba?
Diahuebs 8 di Juli un dia historico cu lo laga un nubia scur:
Artikel III.14 di nos Staatsregeling ta reglamenta cu dentro di 3 luna Staten nobo mester huramenta. Pues diahuebs awor 8 di Juli pa partido MEP e prome 9 candidatonan di acuerdo cu numeracion riba lista lo huramenta como miembro di Parlamento nobo. Esaki lo keda asina te momento cu gobierno wordo forma unda esunnan cu lo bira minister lo pidi nan retiro pa demas miembronan nobo huramento di acuerdo cu nan numeracion. Den caso di Benny el ma saca su mes y pa e motibo ey e lo huramenta lagando Candelaria pafo di Parlamento. Tristo ta cu den 4 aña Benny no a atende ningun reunion di comisionnan fiho y masha poco reunion den parlamento pero tabata cobra mescos cu tur otro cu si a traha. Awor ta opta pa sigui cobra su salario completo mientras e ta cera den KIA. AVP no solamente ta un partido corupto den pensamento pero ta corupto te den nan higra Endy Croes ta termina bisando. No ta pornada Benny a grita I don’t give a dahm!
