X Minister di AVP cu a campaña cu Mike Eman na 2021 ta den corte e siman aki pa corupcion.

Parlamentario Endy Croes ta splica cu ta prohibi pa lubida e fechoria nan di AVP bou liderazgo di Mike Eman cual a tuma luga entre 2010-2017. Otro x minister di AVP e siman aki ta den corte pa purba su di dos biaha pa scapa of baha su castigo. Manera ta conoci cu Paul Croes x minister di AVP y intimo amigo di Mike Eman a ricibi un castigo di 4 aña di prizon mas 10 aña cu e no por sirbi Aruba den ningun funcion publico.

Tur esaki paso Paul a wordo haya culpabel di bagamunderia , fraude y corupcion y tin un veredicto di Hues den eerste aanleg. Riba e sentencia aki tanto Paul Croes a apela pero alabes Ministerio Publico tambe a apela riba cierto fasenan di e veredicto aki. Desde februari 2019 a dura casi un aña y mei pa e caso aki presenta bek dilanti mesa berde pa asina (3) hues den Hoge Beroep repasa ful e caso aki scucha abogadonan, scucha fiscal di ministerio publico y hasta scucha esunnan cu ya caba ta condena pa asina dicta dentro di 21 dia un sentencia nobo.

Sea e condena ta keda mescos, sea e condena por aumenta of sea e condena por baha. Cu e conocemento cu nos tin riba e caso aki nunca pero nunca Paul Croes x minister di AVP por sali liber pero nos ta laga esaki den man di e (3) Huesnan pa husga y duna e veredicto final.

Paul Croes a wordo condena den prome instancia hopi pisa:

E caso IBIS cu e sospechoso mayor Paul Croes x minister di AVP a tuma luga na Januari 2019. Desde Maart 2017 ministerio publico, landsrecherche , RST, FIOT entre otro a drenta cas di Paul Croes momento cu e tabata minister di AVP den pleno poder. Na Augustus 2017 esta 5 luna despues y net 1 luna prome cu eleccion autoridad a bolbe drenta cas di Paul Croes y a detene pa alrededor 90 dia.

Investigacion pisa a conclui na masha hopi prueba con Paul na un manera di “gangster” a la mafia tabata mal uza su poder. Paul Croes y su oficina tabata cobra masha hopi placa na un forma structural pa duna permiso. A haya hasta un schrift cuanto placa Paul tabata ricibi pa cada permiso y con esakinan tabata wordo reparti.

Paul y su chauffeur tabata shop na chinesnan tumando hopi bebida pornada a cambio di procesa permiso. Pues un practica masha mahos locual e requisitor di Fiscal y Ministerio Publico tin poni den nan documentacion cu acusacionnan. Pues nos ta solamente ripiti locual nos a lesa. Tur esakinan ta publico.

Asina tin masha hopi actonan cu un hende decente y normal na su sano huicio nunca lo haci. Pero de appel valt niet ver van de boom. Por mira otro casonan di corupcion manera caso Avestruz di Benny Sevinger y caso “wasmachine” di Mike Eman kende a ricibi sumanan di 50 mil dollar di mafiosonan cu a wordo condena na Merca.

Durante eleccion 2021 recien por a tuma nota con publicamente Paul Croes kende tin condena di 4 aña di prizon tabata campaña abiertamente hunto cu Mike Eman y pa Mike Eman esaki ta masha normal. Pues esaki ta e famia grandi di AVP y den nan “Statuut” di partido probablemente e palabranan criminal-fraude-corupcion-bandido y mafioso mester ta aparece pa nan ta actua asina normal y hasta pone sospechosonan riba lista y grita pa vota pa nan. Que vadis Aruba. Nos tin trabounan duro nos dilanti pa cambia mentalidad di nos pueblo. Reboot and Reset y core cu AVP pa semper pa e luga aki por drecha.