Parlamentario drs. Mervin Wyatt-Ras (AVP): Evelyn Wever-Croes a bende nos autonomia riba mercado Hulandes

Parlamentario drs. Mervin Wyatt-Ras a trece pa dilanti,durante conferencia di prensa di Partido AVP, cu Evelyn-Wever-Croes diabierna “Friday the 13 th” di november 2020 a bende Aruba su autonomia riba mercado Hulandes.

Wyatt-Ras ta lamenta esaki. Minister Evelyn Wever-Croes a subi avion bay Hulanda su so, mientras su colega di partido Vrolijk a bisa den prensa cu su lider no ta bay Hulanda. Of e ta gaña of su lider no ta informa ni nan cu ta di su partido.

Despues cu Wever-Croes a firma cu Hulanda e tabata den un conferencia di prensa,hunto cu minister Knops di Asuntonan Interno Hulandes. Awor e pamfleta cu nan partido a traha y a reparti na tur politico na Hulanda, hasta na e “visboer” cu ta bende pisca pafo di Tweede Kamer, lo wordo ehecuta.

E pamfleta titula: “feestvierend ten ondergaan” a papia y pidi malo pa Aruba, awor nan mes ta haya nan mes ta ehecut’e. A mal informa politiconan Hulandes y awor nos ta haya nos mes cu e “gebakken peren”.

Segun Wyatt-Rassu mama semper a bisa “no scupi na halto sino e ta cay den bo mesun cara of boca”. Asina a pasa loke nan a critica otro di dje a cay pa nan mes paso nan a spera cu e tempo ey Hulanda lo a tuma medida pa cu AVP pero el a cay pa nan mes. Ta tristo cu nos ta bay haya nos confronta cu 2 “Rijkswet” of ley di Reino. Por bisa 2 ley di Reino cu no lo surpasa ni aproba aki na Aruba,sino den tweede kamer na Hulanda. Dor di otro parlamentario cu no ta nos, pues e control’e no lo bay ta di nos Parlamento.

E control no lo ta den nos pais. E control ta bay ta ayanan na Hulanda ydor di TweedeKamer. Un di e leynan aki ta e Rijkswet Financieel Toezicht (RAft).

Segun Minister Presidente esaki ta un ley cu a keda mescos cu e LAft. Pero si esey ta e caso e ley aki no lo a ser trata na Hulanda si no aki na Aruba. E otro ley di Reino ta “het Caribisch Orgaan tot Hervorming en Ontwikkeling (COHO). Segun Wyatt-Ras di CHE el a bira COHO, pues en bes cu nos pais ta cana nos lo bay coha.

Por a compronde cu esaki ta un entidad cu loser manehando di tres persona cu no ta dj’aki. For di Hulanda ta bay maneha e entidad aki. For di Hulanda lo maneha nos departamentonan gubernamental ariba diferente tereno y lo bay cumpli cu diferente condicionnan y tuma medida.

Den pasado Gobierno di AVP a cumpli cu condicionnan cu Hulanda a stipula. A tene nos mes na e diferente“begrotingsnormen”y diferencia di opinion tabatin naturalmente, paso Hulanda semper tabata kier mas. Awor cu nos pais a ser confronta cu COVID y mester di yudansa, Hulanda ta pone yen di condicion pa por duna yudansa financiero.

A sabiendas di esaki gobierno di Aruba of Minister Presidente mester a para mas fuerte, e mester a para mas pa interes di henter nos comunidad. Bo por imagina nos libertador Betico Croes, e tempo cu el a lucha pa nos Status Aparte a hiba tur e diferente politiconan hunto cun’e Hulanda.

El a bay cu full un delegacion ayanan regla e Status Aparte pa Aruba. Contrario na esaki, e Prome Minister aki ta hinca nos den un situacion of sea cu “un voldongenfeit”. E no a consulta debidamente cu nos pueblo. Ni cu su Caciquenan,kendenan ta weso di lomba di partido MEP e no a consulta cu nan. Pues e no a consulta ni cu su“achterban”, manera ta yama esey. Ora el a yama gremionan tambe tabata a base di loke e tabatin tin caba como proposicion.

Durante encuentronan virtual el a splica nan su proposicion cla caba y nan por a haci par di pregunta so, pero masha cortico mes. Lider di AVP a ofrece di ta parti di e deliberacion, mientras e prome minister no a ni reacciona. Ex-lider di AVP no tabatin mester di tapijt cora. Solamente e por a duna un bon contribucion na deliberacionnan.

Enbes cu e Minister Presidente a bay cu diferente politiconan di Aruba direccion di Hulanda pa discuti cu Hulanda y pa para Hulanda encuanto di e inhusticia aki, el a scoge pa bay su so.

Dor di e dos leynan di Reino, Parlamento di Aruba lo tey “voorspek en bonen”.Pues Parlamento no tin nada mas di bisa.

Awor ken ta e traidor? Ken a bai Hulanda, entrega tur locual nos antepasadonan a logra na derechonan fundamental cu nos pueblo tanto a lucha pe? Tanto aña di autonomia a ser entrega den un cera di wowo y dor di un solo persona: Evelyn Wever-Croes.

Pa kico Wyatt-Ras ta bisa esey ta pasobra COHO, manera ta yam’e, ta traha independiente: “kan zelfstandig projecten initieren”. COHO no tin cu delibera ni cu gobierno ni cu parlamento. Tambe “bevorderen en dan wel uitvoeren, subsidies verstrekken aan burgers en bedrijven. Kiermen di su mes e por duna subsidio na ciudadanonan y empresanan.

“Metinbegrip van overheidsbedrijven kan deel nemen aan aandelen kapitaal van bedrijven”, pues COHO por tin shares of parti den empresanan. En todo caso e tin autoridad riba su mes. E asunto aki ta condenabel.

Fraccion di AVP a trece esey padilanti den parlamento, pero no a haci caso y te hasta e parlamentarionan di fraccion di MEP cu a expresa nan mes fuerte na defensa di nos autonomia anteriormente a bay di acuerdo cu e carta cu gobierno a manda Parlamento pa pidi gevoelens di Parlamento al respecto.

P.e. lider di fraccion di MEP, Sr. Rocco Tjon,dia 6 y 8 di juli 2020, a trece pa dilanti den prensa cu e no lo accepta condicionnan di Hulanda. Tambe el a expresa cu e proposicion di Hulanda pa tres Hulandes goberna e islanan no ta aceptabel. Sr. Vrolijk, Sr. endy Croes y Sr. Ady Thijsen tambe a expresanan descontento pero ora nan por a duna nan opinion durante e reunion di Comision Central cu e Ministro Presidentenan a cambia di idea.

Durante e conferencia di prensa, hunto cu Secretario di Estado Knops, Sra. Evely-Wever-Croes a declara: “de entiteit heeft geen landsbevoegdheid en COHO staatnaast Aruba”. Knops al contrario a trece pa dilanti durante e mesun conferencia di prensa: ”COHO kaningrijpen. COHO is om toe tezien.

COHO staat niet naast de overheid”.Kiermeen COHO ta para riba gobierno. Kisas Sra. Evelyn Wever-Croes kier a suavisa e cuenta y un biaha mas gaña pueblo. Pero Knops a coregi esaki.

Hecho ta cu nos ta bay haya nos cu un situacion caminda cu nos tin cu bay entrega. Pues ta bay corta den presupuesto di pais Aruba paso e “landspaketten” ta consisti di medidanan.

Hasta riba e tereno di salubridad y riba e tereno di enseñansa lo bay tin medida. Ta dos tereno cu tabata“landsbevoegdheid”. Y a caba nos a haya un “Landsbesluit” den Parlamento cu ta indica cu lo bay kita medicinanan foi riba“positieve lijst”. Niun hende no a hik,ni un hende no a cuestiona. A corta caba den patentnan pa loke ta trata djente falso y ranca djente. A corta den transporte den patentnan di dialyse.

Hulanda a bisa bon cla cu e leynan ta bay Raad van State pero ta bay cuminsa caba cu “uitvoering”pues ta cuminsa implementa medida prome cu haya e conseho. Esaki ta un situacion inaceptabel. Tanto cu e minister di finanzas actual kier a manda Sweety riba ex-Promer Minister, Mike Eman, awor Sweety a bira morde nan mes. Hecho ta cu nos a perde nos autonomia na man di Evelyn Wever-Croes.