Parlamentario Daphne Lejuez ta bandona fraccion di MEP y ta declara Parlamentario independiente pa representa pueblo di Aruba. El a comparti e motibo pa yega na tuma e decision.
Lejuez a lesa su declaracion caminda e ta cuminsa splica cu su intencion pa uni den politica cu meta pa tene hende central segun constitucion cu a bringa p’e. Su carera den politica ta pa salvaguardia constitucion, hende y bienestar di Aruba como candidato di lista MEP y parlamentario di pais.
El a bisa cu semper a para pa locual ta husto y corecto ‘intencion ta pa sigui hac esey’ sea pa su mes, famia y pais. El a huramenta dilanti gobernador y pa haci su trabou cu consenshi limpi cu honor y sin presion ‘pa interes general di Aruba’.
Den su declaracion e ta continua cu una bes el a huramenta, e ta eherce privilegio di presenta henter pueblo pa controla gobierno y legislado. “Un tarea cu ta sigui segun articulo 1 di constitucion sin destingui raza, poder economico, color, creencia, preferencia politico, sexualidad of genero.
Su experencia como parlamentario ta pa su lealtad mester ta na prome luga pa pueblo y no interes partidista ‘manera legislado pa amplia conocemento y particularmente huridico’. Pa e reto ey Lejuez a cuminsa cu facultad di ley na universidad di Aruba pa asina amplia riba e conocemento pa evalua y contribui miho na e ley.
Segun Lejuez, di e forma ey pa percura pa e ley ta bon hinca den otro y pa tur cumpli cu rekisito legal di transparenca y bon gobernacion pa beneficio di pueblo.
El a expresa cu tabata un desicion dificil pero circumstancia na caminda a cambia. Lejuez tambe a comparti e ley tocante e situacion financiero cu gobierno a enfrenta cune. Su persona lo sigui cu trabou den Parlamento pero independiente ‘mi no lo ta oposicion’. Brinda libertad pa contribui na un forma mas balansa, obhetivo y husto na ‘interes di nos pais’.
“Un trabou di parlamento no ta obstante di 100, 196, 2300 y 7822 voto pero interes general prome cu su partido of den coalicion. E lo sigui den bon gobernacion y transparencia. Parti cu mi a uni na señora Evelyn y partido MEP como fundeshi pa e cambio necesario pa futuro prospero y sostenibel.
Como parlamentario independiente, e lo sigui adopta e vision di tene central y tene locual e tin cu cumpli pa huramente pa pidi tene legislado y controlando gobierno como bos di pueblo y defende constitucion pa bienestar general y para pa derecho di ciudadano.
A puntra Lejuez si desicion ta pa locual e comentario cu su casa tin contract cu MetaCorp, y el contesta cu tin un parti, pero mas tanto ta pa detacta e fayo di ley fundamental y no mester wordo intimida y persegui. Cu apenas 2 aña den politica, e lo keda activo pa para pa locual ta corecto y haci e trabou debidamente. Te ainda no ta bisa cu ta uni na otro partido. El a tene palabracion cu Minister President y cu fraccion.
Tambe miembro di prensa a puntra Lejuez dicon e no ta bandona su asiento como Parlamentario. El a contesta cu esey lo a bira e desicion mas facil pa entrega, pero esun dificil ta pa keda independiente y sigui bringa pa pais ‘pa haci lo corecto te ora mi por’.
“Nan lo critica e persona semper, si bo no para na dado momento ken ta bay para pa haci e diferencia. Pero si haci diferencia nan ta bay critica tambe. Den pasado por a wak parlamentario cu a para pa locual nan a kere den nan pais”, el a expresa.
Sinembargo Lejuez a bisa cu comentario cu lo lanta su mesun partido y lo uni cu otro partido, e ta bisa cu no ta corecto. “No ta prioridad kico lo bin next. No ta mi enfoke, pero pa sigui haci mi trabou manera debe ser.”
