Miembro di Fraccion di Parlamento, Alan Howell, durante reunion publico pa atende cu e tema di Enseñansa a elabora riba e importancia di tur esnan trahando na scolnan den e posicion di werkster y a expresa cu e ta para 100% nan tras.
Den e cuadro aki el a presenta un otro mocion den cual e ta pidi sosten pa e werksternan, cu ta personanan necesario pa loke ta trata e higiena di y na e scolnan. “Ami ta para tras di e werksternan y nan no mag di bay cas na e momentonan aki”. E mocion ta bisa cu e servicio di e werksternan na scolnan ta indispensabel; cu awo cu Covid-19 e higiena ta masha importante na nos scolnan; cu higiena ta importante pa nos maestronan y studiantenan; cu manda mas di 100 werksternan cas den e crisis aki lo ta devastador pa nan financieramente. Teniendo na cuenta esaki a urgi gobierno pa sondea tur posibilidad pa bin cu un solucion pa asina evita cu e werksternan perde nan trabou.
