Diamars 04 di juni 2019 minister Otmar Oduber lo ta presente den sala di Parlamento pa asina contesta varios pregunta cu Parlamentario Alan Howell tin pe. Esaki specialmente riba e topiconan di Incineratornan, Parkietenbos y Sanitary Landfill.
Tambe tur e otro 20 parlamentarionan lo tin e oportunidad pa haci pregunta na e minister en cuestion.
Parlamentario Howell, ta considera cu ta importante pa minister bay parlamento pa responsabilisa su mes pa cu e desaroyo nobo cu ta tumando luga y pa e por contesta preguntanan cu tin. Alan Howell ta di opinion cu ta deber di un parlamentario pa haci un minister pregunta na bienestar di nos pais.
Esaki ta e preguntanan cu entre otro parlamentario Howell lo desea contesta riba nan:
1. Minister lo por splica den ki fase e proceso di destaho ta pa locual ta e waste to energy facility pa Aruba?
2. Minister por splica ki partidonan ta envolvi den esaki cu ta sostene Pais Aruba?
3. Minister por splica den ki fase e destaho di remediacion di Parkietenbos ta y ki interes esaki a ricibi nacional y internacionalmente?
4. Minister por splica kico lo pasa cu sushi cu no por bay e waste to energy facility?
5. Minister por splica con lo financia e diferente destahonan (waste to energy/ parkietenbos)?
6. Pa locual ta incinerator di medical waste/cadaver, minister por splica si un destaho publico a tuma luga pa cu esaki?
a. Acaso esaki e tuma luga minister por splica con esaki a tuma luga?
7. Minister por informa cuanto e incinerator pa medical waste y sludge a costa?
8. Pa locual ta e incinerator, minister por splica con esaki lo wordo financia?
a. Cua lo ta e efecto pa presupuesto di pais Aruba awo y den futuro?
9. Minister por splica kico e motibo ta pa adkiri dicho incinerator?
10. Minister por splica e papel di Serlimar den esaki?
11. Minister por splica riba e plan pa locual ta solucion pa dump ilegal?
Despues di e vragenuur parlamentario di Fraccion di POR lo duna mas informacion riba e informacion presenta pa minister Oduber.
