Parlamentario Alan Howell a reacciona riba declaracionnan den prensa di su colega parlamentario Michael Lampe. El a pone enfasis riba e parti di declaracionnan den prensa mirando cu e fraccion di AVP tin basta dia cu no a participa den reunionnan publico, siendo cu nan trabou ta pa para pa pueblo den Parlamento y no pa papia dilanti camara di prensa.
Howell ta bisa cu sr. Lampe a papia diferente cos bruha cu prensa y un di e poco temanan cu e parlamentario di POR por a saca afo ta cu e medidanan di gobierno actual ta asotando pueblo. Pero cu e tipo di declaracionnan aki por saca afo cu e ta leu di cas, pasobra tur ahustacion cu mester a bin, tur e crisisheffing cu mester a bin den e gobernacion aki ta hustamente pasobra e debe nacional ta hopi halto y mester busca un manera pa cuminsa atende cune y bah’e practicando good governance.
Alan Howell a haci un yamada na tur parlamentario di oposicion pa nan kita e mal custumber di no bay trabou y grita den prensa. El a pidi nan pa acudi na nan trabou como representante di pueblo, aporta y debati pa tur por yuda hiba Aruba dilanti.
