Parlamentario di POR, Alan Howell papiando riba e situacion di Aruba Airport Authority (AAA), unda un serie di persona ta wordo manda cas, a duna di conoce cu nos hendenan humilde biba ariba nos pais no tin mas espacio pa perde trabou.
Howell ta pone enfasis riba e situacion den cual no solamente Aruba, pero mundo henter ta pasando aden, cual ta un tempo tempo malo di crisis.
E ta bisa cu na AAA tin intencion pa manda basta hende cas contra nan boluntad y cu esaki no ta aceptabel pe at all, mas ainda mirando cu den e grupo aki tin basta hende tambe di pariba di brug.
E parlamentario ta urgi Minister Dangui Oduber pa pone un paro na e situacion aki lihe y evita cu un grupo grandi di persona ta wordo manda cas.
“Pan di nos hendenan humilde ta sagrado”, Alan Howell a finalisa.
