ORANJESTAD – Diaranson a tuma luga e apertura oficial di Biblioteca San Nicolas. Parlamentario Alan Howell ta hopi agradecido na Gobierno di Aruba, minister Lampe y directora di Biblioteca, sra. Britten, pa reconoce su esfuerso y insistencia pa cu e renobacion di e biblioteca durante nan discurso na e ocasion di e reapertura di biblioteca .
El a indica cu despues di a warda pa hopi tempo y despues di varios inconveniente, finalmente e apertura oficial di e Biblioteca San Nicolas a tuma luga, y a agrega cu e la keda masha bunita y moderno mes.
“Di curason mi ta desea cu nos hendenan y specialmente nos studiantenan di pariba di brug haci bon uzo di dje. Un biblioteca ta bo fuente di conocemento y sabiduria pa bo futuro. Pabien San Nicolas. Let’s build more schools and libraries instead of more prisons”, Alan Howell a conclui.
