ORANJESTAD – Segun nos colaborador NoticiaCla e introduccion di parkeermeter siman pasa, dos cos a pasa cu tabata di spera. Hendenan a cuminsa bira creativo pa busca caminda di parkeer, creando parkeerplaats ‘illegal’, y otronan a bay busca tur otro forma ‘legal’ pa parkeer contal cu nan no paga. Ambos awe ta un hecho y awor autoridad tin cu wak con nan ta atende cu esaki. E vocero di AruParking Sanin Daou a confirma cu nan ta na altura di e situacion y ta bay atende cu esey tambe.
GOUVERNEURSBAAI
Entre nan e parti di beach conoci como Gouverneursbaai, esta e beach unda cu ta baha boto y ta uza pa pustamento di boto miniatura, rapidamente a bira un lugar di parkeer ‘illegal’. “No ta nos zona pero nan no mag (parkeer)” Daou a bisa NoticiaCla.com awe mainta. Kico exactamente nan lo haci al respecto no ta conoci ainda, pero e tin nan atencion.
PARKEER NA POSTKANTOOR
E siguiente area ta e lugar di parkeer na Postkantoor, cu ta un di e poco lugarnan cu por parkeer pornada, conoci como lugar di parkeer ‘social’. Ora cu tur hende tabata puntra nan mes ‘unda’ tur e miles di hende cu tabata staciona na lugarnan conoci den Playa, no t’ey mas pero si ta trahando ta, e contesta a bira conoci: Parkeerplaats di Postkantoor e.o. Hendenan a mesora probecha tur e areanan eybanda cu no ta destina pa parkeer paga. Un di e problemanan ta cu tin tambe e teleshop di Setar, cu tin varios lugar di parkeer eynan. Setar tin nan marca como parking spot ‘priva’ y pinta heel, y esey ta yudando un poco cu no tur e spotnan ey ta wordo uza tambe pa esnan cu kier parkeer ‘pornada’.
