THE BOTTOM – 6288 panelnan di solar ta proporciona electricidad na Saba. Riba dianan cu tin solo nan ta produci 2.1 megawatts: cu ta 40 porciento di e necesidad di e isla. Riba e dianan ey e generator di diesel ta paga desde di 8 di mainta te cu 5or y mei di atardi . Sinembargo e generator tin cu funciona mas di lo normal para proporciona energia den e proximo lunanan.

E panelnan solar cu a ser instala durante e prome fase lo ser desmantela pa motibo cu base mester ser reemplasa: e testnan ta mustra cu nan no tabata suficiente sigur pa soporta un horcan grandi.

E costo di e basenan nobo ainda no ta conoci, e proceso di likidacion ta na caminda. E parke ta totalmente subsidia na e momentonan aki, parti di e ministerio di economia y politica climatico y e fondo Europeo di desaroyo. Saban Rodrigo Tupal ta frecuentemente den e area. Esaki ta bon cu ta mehorando e base. E panelnan solar no mester bula den aire durante di un horcan”. E ta satisfecho cu e parke: “ E ta n atraccion turistico, mi no a experencia ningun interupcion y nos recibonan eventualmente lo baha”.

Alida Heilbron di Windwardside no a nota ningun di e reduccionnan den su factura. “ Mi ta spera cu e lo cambia na largo plaso, pero mi ta duda”. E ta gusta e transicion pa energia solar. “ Varios aña pasa nan a papia di pone molinanan di biento na Mount Scenery. E fundacion Nature a pone un fin na e idea ey. “ E parke solar na mahos, pero e selva tropical no mester a ser corta pa acomoda esaki”.

Mark Zagers di Saba Electric Company (SEC) ta encarga cu e financianan di e parke solar. Segun su persona un reduccion di costo lo tuma tempo. “ Debi na e dos horcannan, nos a mantene e prijs di coriente abou, esey ta e motibo cu no tabata tin un diferencia den principio. Awo e prijs a baha un poco.

SEC lo financia lo pre financia e base nobo mientras ta warda e decision di un caso hudicial iniciado contra e contratista. “Nan a presenta un caso huridico contra e prome contratista pa determina si ta necesario of no nan mester reembolsa e base nobo”, esaki ta locual Dexter Johnson, e director gerente di SEC a bisa. Debi cu e caso hudicial por dura añanan y e temporada di horcannan ta na punta di cuminsa. No por warda e decision aki.

Segun e facilitado e proyecto Justin Simmons, Tur e planelnan solar mester ta den uzo pa fin di 2019, si e temporada di horcan ta permiti esaki. “ E ta tuma hopi planificacion. E materialnan mester ser importa via barco y e puerto ta na otro banda di e isla. Tur e containernan ta ser haci bashi prome y e trucknan lo transporta e materialnan pa e parke. Si algo kibra, un tecnico di servicio externo mester ser busca di afo”.

E parke solar ta situa banda di aeropuerto, y e SEC ta investigando e informacion di e deslombramento. Solamente un piloto a informa cu e tin problema cu e lombramento.