Parke Nacional Arikok a ripara cambio den naturalesa

Parke Nacional Arikok ta splica tocante e medida cu a tuma pa e desaroyo di COVID-19. Tin un team chikito di ranger y manager cu ta vigila y controla e area, mirando cu e fundacion mes ta cera.

Carl Quant, relacionista publico di Parke Nacional Arikok a duna di conoce e orario cu a pone cu no ta afecta e uso di e parke. E team chikito di rangers lo sigui vigila y controla area cu ta pa proyecto di conservacion y otro proyecto cu tin.

Sinembargo, pa persona cu kier haci uso di parke pa cana of haci deporte di ciclismo, e parke ta keda accesibel, teniendo na cuenta cu nan ta pidi cooperacion di e bishitante pa parkeer nan auto e parti di ariba y haci uso di nan porta pa por cuminsa cu nan canamento of ehercicio.

Quant ta bisa cu e ta permitibel, pero tin cu tene na regla di distancia. Mirando cu e situacion a bira mas severo den ultimo dia, no lo permiti den parke vehiculo di motor, sino hende por cana y eherce nan deporte ‘tene na cuenta cu regla di parke tambe pa tin un ambiente safe’.

Tin actualmente un control chikito den localidad den a parke, nan sa cu e parke ta grandi, pero ta pidi pa persona tene cuenta cu e naturalesa, area cu tin artefacto, pa no mishi cu nan pa motibo cu ta hunga un rol pa naturalesa, ‘nos ta pidi cooperacion den esaki’.

Den caso cu kier tuma contacto cu persona pa haya acceso na e tereno den parke por tuma contacto cu mamager di operacion na 592-4464 pa yega na un acuerdo. Nan ta den contacto cu tur esunnan cu ta partners cu mester drenta libremente.

“Auto ta permitibel pa parkeer na oficina, pero no pa drenta e parke. Solamente na pia, esey ta pa garantisa e regla cu gobierno di Aruba a pone pa evita aglomeracion di hende. E ta conoci cu hende ta yega conchi of cueba ta dificil; pa ora di yega cu auto cu ta mas lihe”, el a bisa.

Quant a menciona cu e temporada aki nan lo por wak caba e efecto riba naturalesa. Nan a ripara cambio di biaha. “Varios neishi di prikichi’, pues nan ta evalua ambos situacion cu ta un bentaha pa naturalesa y proyecto di conservacion cu ta duna mas fruto lihe.

“Nos ta haciendo varios trabou na momento ideal pa haci esaki tambe, e maneho nobo di e caminda pa bay conchi. E ta perfecto pa nos tuma decision pa esey. Tin cu delibera cu stakeholders y partners pa formalisa pa ora e fundacion drenta operacion por evalua con ta habri bek” el a splica.

Pa tur hende cu haci uso di e parke, nan ta pidi pa cumpli cu regla y respeta e medio ambiente. Nan por haci uso di parke di 8am pa ehercicio den naturalesa. “Proteha bo mes y no bin den grupo mas di 3 persona”, y mantene distancia 2 meter pa asina evita cu e virus sigui desaroya su mes . “Cuida bo salud y di otro.”