(RFI) – For di dialuna ultimo 15 di juli, cerca di 200 kilometer di camindanan na pais y rond di dje ta bay ser cera pa trafico normal pa asina facilita e desplasamento di atletanan, servicionan di emergencia y otro persona cu ta bay of bin di w Weganan Olimpico, cu ta bay haci su inauguracion den 10 dia.
Pa esaki, Polis a duna caba “400 boet” pa hendenan cu a usa e camindanan aki cu ta reserva, segun Prefectura a anuncia diamars ultimo.
E obhetivo ta pa atletanan yega for di cualkier sede di e competencia ubica na varios parti di Paris den menos di 30 minuut for di nan salida di Villa Olimpico di Saint-Denis, manera e ciudad a priminti ora a presenta su candidatura pa e Weganan.
E camindanan aki solamente por ser usa pa chauffeurnan cu autorisacion previo: delegacionnan oficial, servicionan di emergencia, transporte publico, transporte pa personanan cu cierto limitacion fisico y taxi cu licencia.
Chauffeur cu lo usa e camindanan sin permiso ta enfrenta multanan di hasta 135 euro, sinembargo, ya caba a pone 400 mientras tabata haci controlnan “riba e tereno”, segun Prefectura a anuncia.
Pa señala e camindanan olimpico aki, tin borchinan den cual ta lesa “Paris 2024, “Autonan autorisa” y e fecha pa e dianan cu ta reserva: For di 15 di juli te 13 di augustus, kiermen, te final di e Weganan Olimpico, y di 22 di augustus te 11 di september, durante Weganan Paralimpico.
Prefectura di Polis no a duna detaye di e number di funcionario destina specificamente pa controla e camindanan reserva, pero si a afirma cu e dispositivo di vigilancia “ta bay ser reforsa.”
Aunke e mayoria di e camindanan aki lo bay back na nan uso normal despues di e Weganan, Paris ta spera reserva permanentemente algun di nan pa uso comparti di autonan y transporte publico.
