Paris Hilton ta bay casa!
E heredero y DJ a anuncia su compromiso cu su pareha Carter Reum durante weekend mientras tabata riba un isla priva celebrando su di 40 cumpleaños, cu tabata diaranson.
Hilton a revela e noticia riba su website y rednan social e siman aki, compartiendo un serie di potret di e momento romantico riba su Instagram.
“Ora bo haya bo alma gemelo, bo no djis sa. Bo ta sintie”, Hilton a skirbi como leyenda di su post. “Mi amor y ami ta hunto desde nos prome cita, y pa mi cumpleaños, el a prepara un trip special na un paraiso tropical. Mientras nos a cana bay dinner banda di beach, Carter a hiba nos na un cabana dorna cu flor y a hinca rudia. Mi a bisa si, si pa semper! No tin otro persona mi lo kier keda cune pa semper.”
Den un entrevista cu People, Hilton a bisa cu ‘e aña pasa aki cu Covid a acelera asina hopi cos’ y a dun’e tempo pa ‘keda cas y reevalua loke ta importante pa mi’.
“Mi relacion y e tempo cu mi ta pasa cu Carter tabata un regalo”, el a bisa. “Mi ta emociona pa nos proximo capitulo.”
Di su banda, Reum a bisa People cu e ‘no por ta mas emociona y dichoso di tine como mi futuro esposa y partner’. “E ta briya cu su bondad, etica laboral, autenticidad y su voz pa haci mundo un miho luga, y e lo haci igual como un futuro mama y esposa”, el a bisa.
Reum y Hilton ta cu otro desde 2019, pero a hacie oficial na e after-party di Golden Globes na cuminsamento di 2020. Hilton a confirma nan relacion den un post riba Instagram na april 2020, ora el a comparti un potret di nan den un sunchi cu e leyenda: “Feliz aniversario mi amor. Mi cos faborito ta pa traha memorianan cu bo. Bo sunchi ta magico. Mi stima ta di bo y sa cu bo ta di mi.”
Den pasado, Hilton tabata cerca di casa varios biaha. Na cuminsamento di añanan 2000 e tabata comprometi cu modelo Jason Shaw y despues cu heredero Griego, Paris Latsis. Na 2018, e tabata comprometi cu actor Chris Zylka.
