Diadomingo mainta, un persona canando entre Bushiribana pa Natural Bridge a topa cu un boto na e boca cu tin pariba di Bushiribana. El a notifica autoridadnan di loke el a mira. E embarcacion, tipo piscado, ainda tabatin e motor pega na dje.
Di biaha un patruya policial a acudi na e sitio, y a confirma cu un boto a keda pega na canto, ainda cu e motor na dje pega. E agentenan policial no por a saca afo di unda e boto a bin, ni kico e tabata haci; pero ta sospecha cu ta trata di otro caso di traficacion di persona for di pais bisiña Venezuela. Den e caso ey, no ta conoci cuanto hende lo a drenta, ni kico otro tabatin abordo di e boto.
Aki ta mustra cu e observacion di radar tabata pober den oranan di marduga. Esaki no ta e prome embarcacion cu ta drenta asina; tin mas a drenta den siman y simannan atras, sin cu autoridad, e.o Kustwacht, y polisnan di costa ta haya sa.
Autoridadnan a tuma e boto den beslag pa despues e keda destrui.
