(AP) – Centenares di pareha LGBTQ+ na Thailandia a tuma decisionnan cu a cambia nan bida diahuebs, registrando nan matrimonio legalmente durante e prome dia den cual ley a drenta den efecto cu ta otorga nan e mesun derecho cu parehanan heterosexual.
E implementacion di Marriage Equality Act ta haci Thailandia e prome pais y tercer luga na Asia cu ta legalisa matrimonio di mesun sexo, Taiwan y Nepal.
Pa fin di diahuebs, alrededor di 1,832 pareha di mesun sexo a casa den e nacion, segun e Departamento di Administracion Provincial. Mas di 1,000 a registra na oficinanan di districto, mientras cu 185 persona a registra nan union na un celebracion cu a dura henter un dia na Bankok.
Entre e parehanan tabatin e actornan Apiwat “Porsch” Apiwatsayree y sappanyoo “Arm” Panatkool, kendenan a casa na Bangkok “Nos por stima, nos por stima igualmente y legalmente,” Sappanyoo a comenta. “Y nos por crea nos famia den nos propio manera paso mi ta kere den tur tipo di amor, tur tipo di famia ta bunita manera e ta,” su pareha Apiwat a agrega.
Sentimentonan similar a keda expresa na e evento, unda parehanan di mesun sexo manera Pisit Sirihirunchai di 36 aña y Chanatip Sirihirunchai di 42 aña a registra nan union. “No pone un limite djis paso ta trata amor di mesun sexo of kico cu e ta. Amor ta algo bunita. Nos no mester stop e,” Pisit a comenta.
Activisanan a bisa cu nan a spera cu 1,448 matrimonio lo tuma luga den e nacion, un homenahe na Civil and Commercial Code artikel 1448, cual a exitosamente amienda.
Thailandia su proposicion di igualdad di matrimonio, cual a keda aproba den ambos cas y parlamento, a amienda e artikel 1448 pa reemplasa e palabranan “muhe y homber” y “esposo y esposa” cu “individuonan” y “partner den matrimonio.” E amienda aki a otorga derecho financiero, legal y medico na parehanan LGBTQ+.
