(AP) – Un Hues na Hawaii a otro un pareha su peticion pa pone un orden temporario di alehamento contra Ezra Miller, e actor conoci pa su rol como “The Flash” den e peliculanan “Justice League”.
E pareha a haci e peticion pa e orden di alehamento temporario aki riba diamars, acusando Miller di a drenta nan camber y menasanan na Hilo, un parti chikito den e Isla grandi. E peticion tambe a acusa Miller di a horta nan pertenencianan, incluyendo un passpoort y un cartera.
E Hues us ordo, cual a ser entrega na corte diaranson, a bisa cu e ta necesario pa otorga e pareha e proteccion aki y aproba nan peticion pa asina por preveni cu nan lo pasa door di mas acoso di parti di e actor.
Dianan anterior, Miller aparentemente a acosa clientenan na un bar di karaoke. Diadomingo anochi laat, cuerpo policial a ser yama y a ricibi peticion pa bay Margarita Village na Hilo, unda cu nan a bisa cu Miller a grita palabranan grocero, a gara e mic for di un muhe cu tabata cantando y a ataca un homber cu tabata hungando wega. “E doño di e bar a pidi Miller pa calma varios biaha pero e no a haci ningun caso na esaki,” cuerpo policial a splica den un relato pa prensa.
Miller a keda aresta na e bar despues di marduga riba dialuna y a ricibi cargo di conducta desordena y acoso. Miller a ser laga den libertad bao fiansa di 500 dollar.
