Despues di confirma nacemento di nan yiu homber, e magnate Surafricano a laga su siguidonan riba Twitter babuca pa e nomber cu el a scoge. E cantante Grimes, mama di e mucha, a splica e motibo.
Elon Musk y e cantante Grimes a presenta nan prome yiu diamars. Pero e noticia di e nacemento tabata ampliamente supera pa otro: e insolito nomber eligi pa e mayornan.
Despues cu e empresario a confirma e noticia cu e mensahe ‘mama y baby, tur bon, un usuario di Twitter a puntra pa e nomber di e baby recien naci, pa locual e fundado di Tesla y SpaceX a responde: ‘X Æ A-12’. Despues, el a detaya cu ta trata di un baby homber.
E nomber curioso a genera un cadena di mensahe riba e red social puntrando, entre otro, pa su nificacion y pa e pronunciacion di e combinacion aki di letra y number. Algun usuario a chansa cu e lo tin e apodo ‘Tesla Junior’ pa un pronunciacion mas facil, y otronan a specula den tono ironico cu ta trata di un cyborg of un ente diferente na ser humano.
‘Archangel’ o ‘Xavier’ tabata e transcripcionnan cu algun a duna na e nomber publica pa Musk, pero tabata solamente speculacion.
Pero diaranson ultimo, Grimes a splica e origen di e nomber, obviamente tambe via tweet. “X, e variabel desconoci Æ, mi ortografia elfica di Ai (amor y/of inteligencia) y A-12, e percusor di SR-17 (nos avion faborito), e cantante a revela. “A tambe ta nifica Arcangel, mi cantica faborito”, el a agrega. Musk a coregi su pareha aclarando cu e avion ta SR-71, un avion spion di guera friu.
