Oposicion Paraguayo, conhuntamente cu ciudadanonan, a encarga nan mes cu pone presion despues cu siman pasa a bira conoci e pacto di compra y benta di energia entre Paraguay y Brasil.
Ambos partido a firma e pacto 24 di mei pasa pa acorda riba un plan di cumpra energia genera pa Hidroelectrica di Itaipú pa proximo 4 aña di parti di Brasil. Pero e ta bou critica fuerte, mirando cu mayoria grupo no tabata consciente di su firmamento, y pa tal rason ta considera e acuerdo ‘secreto’. Ademas ta considera cu ta un robo di soberania di Paraguay, ora ta permiti e benta di energia genera na Paraguay pa Brasil den silencio.
Alabes Presidente di Paraguay, Mario Abdo Benítez, a acepta e renuncia di e cuater funcionario cu a paga e consecuencia pa firmamento di e pacto di energia. Segun algun medio di comunicacion local, Embahador di Paraguay na Brasil, Hugo Saguier, tabata e unico cu e presenta su renuncia, mientras cu e otro tres a pone nan encargo na disposicion di e Hefe di Estado.
E abandono di encargo di e cuater funcionario a yega despues cu oposicion Paraguayo a revela e firmamento, lantando opinion publico skerpi contra gobierno. Ta pa e rason cu pueblo no tabata sa di e contract di energia te dos luna despues cu a firm’e. Net despues Presidente di ANDE, Pedro Ferrerira, a renuncia, siguiendo su substitucion pa Alcides Jiménez.
Ademas, e iskierda di e Frente Guasu a denuncia e proceso pa ta ‘secreto’ y nan a consider’e como perhudicial conta interesnan di Paraguay. Ademas, e partido a plantia un huicio politico cu e fin di destitui e president, pa haci un acuerdo scondi leu di clase politico y ciudadnan.
