(AP) — Papa Francisco a acusa algun di su criticonan ayera di tuma bentaha di e morto di Papa Benedicto XVI pa anota puntonan ideologico den e salvo mas recien den e division partisano di Iglesia Catolico.
Durante un conferencia di prensa den avion mientras tabata bolbe di Sur Sudan, a puntra Francis tocante e critica cu a acelera despues di dia 31 di december cu morto di Benedicto, kende tabata biba den Vaticano como Papa Emeritus hunto cu Francisco durante e prome 10 aña di su pontificado.
Den e dia y simannan despues di su morto, e secretario di Benedicto pa hopi tempo y algun cardenal conservador a bin cu buki, entrevista y memo criticando Papado di Francisco. E comentario tabatin e efecto di pone e papa recien fayecido, kende a keda un punto di referencia pa conservadornan y tradicionalistanan, contra e papa actual.
Francisco a insisti cu rumornan di diferencianan cu Benedicto, of cu Benedicto tabata molesto tocante algun decision cu el a tuma, tabata falso y cu e dos tabata consulta frecuentemente cu otro y tabata di acuerdo.
“Mi ta kere cu a instrumentalisa morto di Benedicto”, Francisco a bisa. “Hende kier anota punto pa nan propio banda.”
Pa reforsa e punto cu Benedicto tabata ariba di partidismo asina, Fransico a recorda con e Papa Emeritus a trata un keho cu el a ricibi contra Francisco pa su sosten pa proteccionnan legal pa relacionnan di mesun sexo. Tempo cu e tabata arsobispo di Buenos Aires, Cardinal (e tempo ey) Jorge Mario Bergoglio a sostene legislacion Argentino cu lo a permiti hende den relacionnan stabiel, incluyendo unionnan di mesun sexo, p[a disfruta di herencia y otro derechonan. El a sostene e legislacion como un alternativa pa e propuesta di Argentina pa legalisa matrimonio homosexual, cual Iglesia Catolico ta opone.
Posicion di Bergoglio a bira conoci e tempo aya pero el a articula esaki publicamente durante un entrevista na 2019 cu canal Mexicano, Televisa.
Francisco a revela ayera cu un persona cu tabata considera su mes “un gran teologo” a entrega un keho cerca Benedicto tocante posicion di Francisco, pero cu e Papa Emeritus “no a spanta,” sino a yama teologonan cardinal y a pidi pa un splicacion. “Asina e storia ta caba,” Francisco a bisa. “E ta un anecdota pa mustra con Papa Benedicto tabata move ora tabatin keho.”
