Papa Francisco anuncia cu aborto nunca por wordo tolera, incluyendo ora e feto ta gravemente malo of tin probabilidad di muri, el a bisa pa dokter y sacerdote yuda e famia pa completa e termino di embaraso.
Papiando na un conferencia contra aborto di e Vaticano, Francisco a bisa cu e oposicion pa aborto no ta cuestion religioso, pero humano. “E ta bon pa tira un bida afo pa resolve un problema? E ta mescos contrata un sicario pa resolve un problema?”
Francisco a denuncia e decision pa aborta basa na prueba prenatal, y a bisa cu un ser humano ‘nunca ta incompatibel cu bida’. Incluyendo baby cu ta destina pa muri ora di nace, of poco despues, nan mester atencion medico den utero, segun Francisco. El a agrega cu mayornan mester apoyo pa nan no sinti miedo of sinti nan mes aisla.
Francisco a papia fuertemente contra aborto, pero tambe a expresa simpatia pa muhenan kende a haci aborto, y a haci mas facil pa nan ricibi absolucion pa e pica di aborto. Su comentarionan ta yega mientras e debate tocante aborto atrobe ta causando conmocion na Merca, cu iniciativanan estatal buscando pa restringi e procedura.
