A pesar di burla di e idea di cambio climatico, presidente Mericano, Donald Trump lo presidi riba un di e reduccionnan mas skerpi di emisionnan dañino pa clima den record, mientras e paralisis economico di e pandemia ta reduci uso di energia, segun un proyeccion di Departamento di Energia diamars.
Administracion di Informacion di Energia (EIA) ta proyecta un caida di 7.5% den emision di combustibel fossiel pa 2020. Esey lo ta e reduccion mas grandi den emision di energia na Merca desde sikiera 1990, segun record di EIA. E aña prome cu recesion na 2008 a mira un reduccion di 7.3%.
Trump rutinariamente ta burla di cambio climatico, y su administracion a move pa hala atras di standard mas estricto pa emision y otro esfuersonan pa clima di administracion di Obama.
Di tur forma emisionnan lo reduci e aña aki, pa motibo di economia bahando velocidad y restriccion riba negoshi y biahe relaciona cu e pandemia di coronavirus, EIA a bisa.
Kimamento di combustibel fossiel, y e grado di daño climatico, tipicamente ta recupera na momento cu economia ta recupera despues di impacto negativo.
Globalmente, ‘nos ta mirando reduccion radical den emision di transporte y reduccion den otro sectornan di economia’, segun Rob Jackson di Universidad di Stanford, kende ta lidera un grupo di cientifico independiente cu ta monitor contaminacion di carbon global. “Nos no a mira nada manera esaki desde e Gran Depresion.”
EIA ta proyecta cu Mericanonan lo kima 9% menos gasolin y diesel y 10% menos jet fuel, y cu sector di electricidad lo genera 3% menos energia en general, entre otro reduccion. Energia solar y di biento – cu ta haya tiki atencion di Trump, excepto su disgusto pa turbina di biento – lo conta pa mayoria di e generacion di electricidad nobo na e pais, segun e reporte. Mientras competencia di mercado ta duna forma nobo na con Mericanonan ta haya energia, plantanan di produccion lo usa 11% mas renobabel y 20% menos carbon e aña aki.
Pronostico di 2020 tambe ta marca un retraso den e mision frecuentemente declara di Trump, di yuda haci Merca un partido dominante den produccion di energia global. Coronavirus un problema no relaciona den suministro di petroleo, causa pa aumento di produccion di Saudi Arabia y Rusia, lo pone Merca bek como un net importer di petroleo pa sikiera un tempo, mientras drilling domestico ta stop, e reporte a nota. Cualkier acuerdo pa reduci produccion di petroleo por cambia esaki, e agencia a nota.
“E tendencianan aki ta unicamente temporal y nan lo desaparece mesun lihe cu e crisis di coronavirus aki desaparece”, segun cientifico di clima Jonathan Overpeck, dean di medio ambiente di Universidad di Michigan.
