Panama a pone punto final na e campaña electoral mas corta y restrictivo di su reciente historia, cu atencion poni den riba e ultimo encuesta, cu ta situa e opositor Laurentino ‘Nito’ Cortizo como faborito den e contienda di diadomingo.
E mayoria di e shete candidato presidencial a celebra caba su acto di ciere di campaña, y formacion politico a cuminsa retira e borchinan cu a ser poni riba muraya, pa motibo cu e cayanan mester ta limpi den oranan di anochi di ayera.
“Cuminsando 12or di anochi ta drenta na vigor e veda electoral” e Tribunal Electoral a bisa.
Ta trata di e prome eleccion cu ta organisa bou varios reforma inedito aproba pa Parlamento na 2017, cual no solamente ta limita e campaña na dos luna di duracion, sino cu tambe e luganan unda mester coloca e propaganda electoral, y e limite di gasto di e candidato.
