E entidad ta bisa cu ta tumando, dentro di su posibilidad, e medidanan necesario pa garantisa e suministro di awa; sinembargo, a haci un yamado energico pa e poblacion no malgasta awa y haci un uzo racional.
Pa via di e nivel di produccion baho di e planta potabilisador di awa di Panama Este, e Instituto di Acueducto y Alcantarillado Nacional (IDAAN), a realisa un plan di sector pa abastece awa potabel pa e sectornan mas afecta.
Panama Este ta e punto mas critico di tur. Su planta potabilisador di awa ta mantene trahando na un 40% di su produccion pa motibo di e caudal baho den e toma di awa crudo.
A medida cu e temporada seco ta avansa, ta contempla pa haci otro accionnan, pero ta depende di e necesidad di cada un di e 56 planta potabilisador cu IDAAN ta maneha na nivel nacional.
“Nos ta dilanti di e Fenomeno El Niño, cu ta duna chens y ta parce cu lo por ta mas fuerte cu añanan prome. IDAAN, dentro di su posibilidad, ta tuma e medida necesario pa garantisa e suministro di awa; sinembargo, ta haci un yamada pa e poblacion pa no malgasta awa”, un comunicado di e entidad a enfatisa.
