E vice-canciyer di Panama, Luis Miguel Hincapié, a bisa cu tur Venezolano cu lo haci un escala aereo na Panama, no mester tramita ningun visa.
“Nos a tuma e medida aki pa protege y garantisa e seguridad di Panama. Pa pasaheronan, cu ta di transito y ta wardando un vuelo pa otro pais, no lo mester solicita ningun visa di banda di autoridadnan,” e funcionario a sigura durante un entrevista den e programaradial W Radio Panama.
Diamars anochi, presidente di Panama, Juan Carlos Varela a informa cu Venezolanonan cu lo kier drenta Panama, lo mester di un visa cu stempel. E medida lo cuminsa desde dia 1
di october.
“Orden democratico a kibra na Venezuela, y awor ta pone den riesgo nos seguridad, nos economia y hopi cupo di trabao,” Presidente Varela a publica riba su cuenta di rednan social.
