Un homber na Pakistan a wordo sentencia pa morto pa motibo di un post cu el a haci riba Facebook. Taimoor Raza a wordo haya culpabel diasabra di a comete blasfemia via e red social aki, birando e prome cargonan di conviccion pa motibo di social media.
Hues Shabbir Ahmad Awan a pasa e veredicto na Bahawalpur, 600KM sur di e capital Islamabad, condenando Taimoor Raza pa a falta respet na profeta Mohammed. Raza a haya su mes den un discusion pisa tocante Islam cu un persona cu a resulta di ta un abogado trahando pa departamento di defensa contra terorismo.
El a wordo deteni aña pasa pa a post comentarionan insultante contra lidernan religioso yama Sunni anto casanan di profeta Mohammed y condena e siman aki. Bao di leynan di Pakistan, kende cu ta acusa di insulta Dios, Islam of cualkier personalidad religioso, ta wordo condena pa morto.
