Deseo pa keda votado so Mi a drenta politica caba na 2013 pero mi a dicidi di sali y bira un votado atrobe, e rol confortabel cu mayoria hende ta prefera. Ademas nunca mi tawata un politico y nunca mi lo bira un tampoco. Mi ta un fiel creyente di bijbel na 1er luga, na di dos luga un ciudadano patriotico y un amante di husticia, naturaleza y bestia. Mientras tanto sinembargo, mi por a mira con un familiar Arubiano cercano di mi y otronan no por a haya trabou niun caminda.
Y ora mi a nota cu hendenan a cuminsa wordo atraca tambe ariba caya y den nan mesun cas mi a realisa cu nos no tawata safe mas, ni den nos propio cas. Facebook page pa yuda gobierno No obstante mi a keda pafo di politica y a keda confia cu den funcionamento di e gobierno y e parlamento. Y ora mi tuma nota di un post di e minister di husticia riba Fabebook riba 25 di september 2016 cu titulo “Ban hunto preveni ilegalidad y promove mas siguridad” mi di cu mi familiar: “Bo sa kico, luga di sinta critica gobierno ban yuda gobierno combati ilegalidad y promove siguridad”.
Pues nos a lanta un facebook page “Ciudadanonan Patriotico” pa registra tip anonimo di ilegalnan y pa despues manda nan den un carta pa minister di husticia, cu c.c. pa full parlamento y GNC. Y asina e tipnan a drenta. No solamente a ricibi tip indicando cu tawatin ilegalnan trahando casi tur caminda, pero tambe cu tawatin personanan ilegal bibando na Aruba cu tawata wordo busca door di husticia di paisnan di afo cu segun e informantenan tawatin entrada y salida liber cu ayudo di un agente femenino di inmigracion. Y asina a manda e 1er carta riba 14 di october 2016 cu e tipnan pa minister di husticia, cu c.c pa parlamento y GNC. Falta di reaccion y accion ta papia mas duro cu palabra bunita Pero muy lamentablemente no tawatin niun contesta, ni di gobierno ni di niun parlamentario. Den e siguiente carta nos a puntra e minister di husticia e.o. con e personanan di afo cu tawata comete delitonan a haci drenta nos pais.
Pero atrobe ni e minister ni niun parlamentario no a reacciona. Pues e falta di reaccion y accion a demostra cu ni gobierno y ni e parlamentarionan (AVP,MEP, Andin y Marisol)no ta interesa den cumpli nan tareanan cual pueblo ta paganan pe, ni den e trahadonan local sin trabou y ni den e siguridad nacional. Ni tampoco den e hobennan cu a caba p.e. EPI etc. y cu despues di gasta placa y tempo den nan studia ta haya nan mes forsa pa traha pa salario minimo. Niun otro choice cu drenta politica un biaha mas E conclusion cu mi mester a saca e ora ey cu no por a spera nada di gobierno ni e parlamento y cu pa por a trece e cambionan necesario no a keda mi niun otro opcion cu drenta politica un biaha mas. Nos di partido CURPA ta kere e maneho actual a haci suficiente daño y cu ta tempo pa cambia e maneho di Stranheria bek conforme e leynan y e constitucion di pais Aruba na fabor di e localnan y segun e capacidad di carga di nos pais.
Un maneho na unda tur e hendenan local lo bira “e dreamers” cu tur e beneficionan. Na unda e trahadonan local lo tin frigidaire yen atrobe. Keda pendiente di e siguiente parti di e maneho unico y esun mas eficiente di partido CURPA “Vol is Vol” parti 2.
