(TheSeattleTimes)—Den e ultimo aña aki, e deposito di tratamento di COVID-19 na Merca a reduci pa via di variante nobo di e virus cu a baha e potencia di droganan. Hopi pashent tin un opcion so awo, esta Paxlovid. Aunke esaki ta hopi efectivo, e ta un problema pa hende cu mester e pa via di interaccionnan peligroso cu otro remedi.
Pero un clase nobo di tratamento anti-variant por yuda fortalesa e deposita medico di e pais. Cientificonan a reporta den The New England Journal of Medicine cu un solo inyeccion di e droganan interferon por reduci e posibilidad di un pashent di COVID pa wordo hospitalisa na mita.
E resultado, demostra den un prueba clinico di casi 2.000 pashent, a yega cerca di e mesun resultadonan di Paxlovid. Tur e vacunanan interferon ta mustra mas efectivo, cientificonan ta bisa. Door di fortalesa e mecanismo di curpa pa combati un virus, nan por yuda defende no solamente COVID pero tambe keintura y otro virus, cu e meta pa reduci pandemia den futuro.
“No ta importa si e otro pandemia ta di coronavirus, influenza of otro tipo di virus respiratorio,” esaki Eleanor Fish, immunologo na Universidad di Toronto, a bisa. Fish no tabata involucra den e estudio nobo. “Pa tur virus cu nos ta mira ta andando, tin beneficio pa uza interferon.”
Aunke e tin promesa, e droga—yama pegylated interferon lambda—ta enfrenta un caminda dudoso den e mercado comercial. Reguladonan na e administracion di cuminda y droga a bisa e fabricante di e droga, Eiger Biopharmaceuticals, aña pasa cu nan no ta prepara pa autoris’e pa uzo di emergencia. Ehecutivonan di Eiger a bisa cu ta parce cu parti di e problema ta cu e prueba clinico no a inclui un localidad di Merca, sino di Brazil y Canada. Un otro problema ta cu e iniciativa a wordo cuminsa pa investigadonan academico y no e compania mes.
