Islandia ta conoci pa turistanan rond di mundo como un luga spectacular pa su naturalesa, e “geothermal pool” y cumindanan straño. Pero expertonan ta bisa cu e nacion Nordico ta special pa otro motibo tambe: hende ta biba mas largo cu cualkier otro luga na mundo. Aña tras di aña, Islandia ta clasifica como un di e paisnan caminda su ciudadanonan ta biba mas largo. E ciudadanonan ta biba te cu un edad di mas o menos 83 aña, pasando e edad di residentenan rond di mundo cu ta mas rico, miho educa y bibando den skinanan mas calor mes. Pero esaki no ta un sorpresa pa Stefan Thorsliefsson, cu ta 6 luna lew di hasi 100 aña y ta lanta tur mainta ainda pa landa den su pool pafo cu e mes a traha na 1943 den e su stad di piscado, Neskapstadur. E ta tuma parti di un training di exercise cu otro ciudadanonan mas bieuw tambe, y un cuminda di merdia cu ta consisti di Islandia su cuminda uniconan.
“Nos no ta come mucho carni. Nos ta come mas pisca”, e ta splica. Un dieet cu ta consisti di pisca cu ta yena cu omega-3 a yega wordo menciona cu ta e motibo pakico asina hopi di e ciudadanonan di 320,000 ta biba hopi largo. Islandia conoci pa e “Blue Lagoon” tambe tin tiki contaminacion y un estilo di bida activo. Pero Kari Stefansson, e fundador di DeCode Genetics, ta bisa cu e secreto ta sinta mas den e Vikings cu e volcannan.
“E tin mas di haber cu e geneticonan. Mi no ta kere e tin di haber cu e medio ambiente cu nos ta biba aden. Mi no ta kere e tin di haber cu e aire fresco, awa fresco y tampoco e pisca cu nos ta come. Mi ta kere e motibo ta con nos ta selecciona nos mayornan.” Nos mente ta programa geneticamente. E ta dicidi den varios manera ki bo ta haci y con bo ta haci esaki. Si den bo genetico tin adiccion, bo lo haya un manera pe.
Por lesa mas di e articulo aki
