Fiscalnan Aleman ta bisa cu autoridadnan den tres pais Europeo a desmantela un website ilegal pa comparti pelicula, musica y pornografia.
Fiscal den estado west di North Rhine-Westphalia a bisa cu polis na Alemania, Hulanda y Francia a listra propiedad den e tres pais diaranson, vincula na tres homber acusa di opera e website.
Den un declaracion ayera, fiscal a bisa cu e sospechosonan – edad 40 y 54 aña – ta acusa di opera e website mas grandi na Alemania pa ilegalmente comparti material cu ta protegi pa leynan di derecho di autor.
Fiscal a bisa cu ta kere cu e operacion a genera entrada di mas di 50 miyon euro entre april 2008 y october 2017.
E trio a huur server cu capacidad di mas di 10mil terabyte, cual ta suficiente pa almacena como 5 miyon ora di video.
