Siman pasa diabierna 13 di september, pais Aruba a duna ATIA un relato di e trabaonan cu ta wordo haci den cuadro di Landspakket. Esaki por medio di un sesion informativo na unda e diferente trekkers cu ta encarga cu temanan cu tin de haci cu reforma financiero, reforma di nos red di seguridad social, reforma di mercado laboral y reforma di e aparato gubernamental, a reuni pa trata tur e trabaonan cu ta wordo haci na e momentonan aki y e trabaonan cu tin proyecta pa futuro.
Pa Pais Aruba, a participa na e reunion, Director di Financien, Derrick Werleman – DirFin, Emeliën Kelly – DirFin, Indra Zaandam TWO-AUA, Roraima Arends TWO-AUA, Ghislaine Gomes – DRH, Marylou Tromp – DRH, Omaira Lares – DRH, Glendeline Croes – MinLEI y Yvonne Lee-Perez – DAO.
Segun un comunicado di prensa, e tabata un sesion constructivo na unda cu cada persona cu ta encarga cu e temanan corespondiente a duna un relato di e trabaonan cu ta wordo haci. Na mesun momento tambe a para keto na e sistematica di landspakket, di e forma cu ta traha y tambe a splica kico ta e papel di entre otro TWO Aruba como tambe TWO Hulanda.
A para keto na e structura y governance. Tambe a papia di e sistematica di reportahe na unda cu, den e caso aki, e asina yama uitvoeringsagenda ta duna un indicacion di e trayectonan cu ta planifica y e uitvoeringsrapportage ta duna un indicacion di kico tabata e prestacion di trayectonan cu a wordo proyecta.
Pais Aruba ta sumamente contento di por a reuni cu ATIA, pa asina por splica kico ta e trayectonan cu pais Aruba ta encamina. Asina ta pais Aruba ta sigui informa di e trayecto di landspakket.
