Joao Santana y su casa Monica Moura a yega na husticia federal na Curitiba, Brasil den un auto cu glas preto y cera. Hues Sergio Moro a entrevista tur dos pero separa durante 50 minuut. Husticia di Brasil a libera e contenido di e audio pero no imagen cu a graba durante e interogatorio.
Monica Moura a confirma cu a participa den campaña presidencial na Panama y na otro pais di America Latino y Africa, cu apoyo di placa for di Odebrecht.
E pareha a bisa cu a participa den varios campaña electoral na Brasil, specialmente den campaña di Lula y Dilma Rousseff, y cu dirigente di partido di trahador a solicita na Odebrecht pa duna placa na campaña di candidato presidencial Mauricio Funes na El Salvador.
Den e proceso aki, hues a continua cu testimonio di ex-ministro Antonio Palocci y su colaborador Branislav Kontic, cu ta hende directamente responsabel di cuenta cu miyones di dollar cu Odebrecht a pone na disposicion di Lula.
Joao Santana y Monica Moura ta den libertad desde luna di augustus di 2016, ora cu nan a paga un fiansa di 10 miyon dollar aproximadamente.
