(AP) – Facebook y Instagram lo rekeri avisonan politico riba nan plataforma informa si nan a ser crea haciendo uso di inteligencia artificial, segun Meta a anuncia diaranson. Bao politica nobo di Meta, e label aki informando e uso di AI lo aparece riba e usuarionan su pantaya ora cu nan click riba e aviso. E regla aki lo drenta den efecto dia 1 di januari y lo ser aplica na henter mundo.
Microsoft a revela su propio iniciativa pa aña di eleccion riba diamars, incluyendo un herment cu lo permiti e campananan pone un logo digital riba nan aviso. E logonan aki tin e intencion di yuda e votadornan compronde ken a crea e avisonan, mientras tambe ta sigura cu e aviso no por ser cambia digitalmente pa otronan sin cu laga evidencia atras.
E desaroyo di programanan nobo di AI a haci hopi mas facil cu nunca pa rapidamente genera audio, imagen y video cu ta sumamente similar na algo real. Den e mannan incorecto, e tecnologia aki por ser usa pa crea videonan falso di un candidad of imagennan cu por incita miedo di fraude di eleccion of violencia. Ora cu uni esaki na e algoritmonan poderoso di rednan social, e contenido falso genera aki por confundi y votadornan na un escala cu nunca a yega di mira antes.
Meta Platforms Inc. y otro companianan di tecnologia a ser critica pa no haci mas esfuerso den atende e riesgo aki. Diaranson su anuncio haci pa Meta probablemente no lo calma e preocupacionnan aki. Mientras oficialnan na Europa ta trahando riba regulacionnan comprensivo pa e uso di AI, tempo ta cabando pa e autoridadnan na Merca por aproba regulacionnan prome cu e eleccion di aña 2024.
