Banco Central di Brasil lo bolbe promove e benta directo di dollar despues di anuncia cambio den e forma di actua den e mercado di cambio, e emisor a informa diaranson pasa den un comunicado.
Autoridad monetario lo bende desde diaranson proximo dollar cash di su reserva nacional, un operacion cu no tabata sosode na Brasil desde februari di 2009, ora Banco Central a oferta biyete berde pa mantene e likides.
Di manera simultaneo, e autoridad monetario lo bay bende contractnan den cual ta plania e re-compra di e dollarnan ey den futuro.
E reservanan di Banco Central te awe ta suma $388.000 miyon. Como e benta di e moneda Mericano tin limitacion te $3.844 miyon, e balor oferta no lo bay surpasa 1% di e reservanan.
Den un comunicado, Banco Central a señala cu e medida aki ta busca mehora ‘e uzo di instrumentonan disponibel pa e actuacion na e mercado di cambio’.
E entidad a agrega cu desde dia 19 te 21 di augustus lo bay haci oferta simultaneo di $550 miyon cash y e mesun cantidad na contractnan di intercambio di moneda inverso.
E operacion simultaneo ta punta pa intercambia, di cash pa cash, un total di casi $4.000 miyon na swap di divisa tradicional cu ta caduca na october y cu ainda no a ser transferi pa e institucion. E stock actual di swap di divisa tradicional na mercado ta yega na $68.863 miyones.
A produci e medida na un momento di turbulencia den e mercado internacional cu e temor di un disminucion global, un miedo cu diaranson pasa a tumba e bolsa principal rond di mundo.
