Por lo menos dos Warda di Polis na Amsterdam lo ta cera durante oranan di anochi y ekiponan special cu ta centra den cafenan di cannabis y riba delitonan di transporte, ta ser disolvi pa motibo di scarsedad di Polis, esaki ta segun e alcalde Femke Halsema a bisa e conseho di e ciudad. E ciudad mester di 500 Polis adicional y ta stop algun operacion pa oficialnan ta liber pa concentra riba otro tareanan, manera patruya riba caya , Halsema a bisa.
Pa haci cu Polis ta ma visibel lo tin un efecto diferente pa hobennan vulnerabel cu ta recuri na crimen, e alcalde a informa. E scarsedad di Polis a empeora debi cu varios ta como di dos siguridad pa abogadonan, Hues y funcionarionan hudicial, tras e asesinato di abogado Derk Wiersum. “Nos ta luchando pa mantene nos cabesnan riba awa”, e Alcalde a bisa.
E medidanan lo drenta vigor durante e prome cu seis luna y lo ser analisa di nobo despues di tres luna. Utrecht tambe ta tumando medidanan debi na scarsedad di Polis. Dos Warda di Polis ta cera pa fin di siman, y lo tin menos Polis disponibel pa vigila partidonan di futbol pa motibo cu tin mucho Polis awo ta involucra den tareanan di proteccion.
Minister di Husticia, Ferd Grapperhaus a bisa den un reaccion cu e capital Hulandes tin rason pa establece prioridadnan y a agrega cu e ta invertiendo 320 euro adicional pa recluta mas Polis y 100 miyon di euro pa libera Polis di tareanan organisatorio di rutina. Sinembargo, segun e carta di Halsema, Amsterdam ta beneficia solamente di 60 polis nobo, mientras cu 480 a bandona e forsa y retira. Cortenan no lo afecta e impulso nobo pa drive nobo di crimen organisa na e ciudad, e Alcade a bisa e conseho.
