Aruba Airport Authority (AAA) ta informa tur pasahero y bishitante di AUA Airport di algun cambio temporal na e areanan di parkeo y entrega di auto di huur nan debi na algun trabou di mantencion y construccion.
Entrante dialuna 29 di juli, pa un periodo di un siman, pues finalisando dia 2 di augustus, e acceso pa parkeo publico y e area pa entrega auto di huur lo ta den un proceso di construccion.
Lo traha un entrada temporal p’asina garantisa acceso continuo na e area di parkeo y e area pa entrega auto di huur durante e tempo di construccion. E usuario lo mester sigui e borchi temporal cu lo indica con pa yega na e entrada nobo di parkeo y na e entrega di auto di huur.
Aruba Airport Authority ta comprometi pa garantisa cu e interupcion aki ta uno minimo y ta gradici pa e pasenshi y cooperacion durante e periodo di construccion. E mehoracion aki ta forma parti di nos esfuerso continuo pa mehora e infrastructura y experiencia general na aeropuerto.
