Na october 2016, hefe di compania petrolero mas grandi di Rusia a biaha na e luga di nacemento di Hugo Chavez, pa desvela un estatua grandi di brons di e difunto lider socialista y presidente Vladimir Putin.

Un punto clave den e relacion entre Rusia y Venezuela y CEO di Rosneft, Igor Sechin a trece cune un coro di 600 aña di monasterio di Moscu pa celebra. Papiando na miles di sostenedo di gobierno bisti cu camisa cora den un Spaño fluido, el a recorda su dianan como traductor militar Sovietico na Africa, Sechin a elogia Chavez como un ‘lider di multi-polaridad’ y un ‘simbolo di henter un era’.

Diamars, Departamento di Tesoro a blokea companianan Mericano di haci negoshi cu Rosneft Trading SA, acusando e subsidiario di Geneva di e gigante petrolero estatal Ruso di provee ayudo critico na Maduro mientras e ta purba di evadi sancionnan Mericano.

Pa varios luna, oficialnan Mericano ta advertiendo companianan stranhero cu por enfrenta represalia si nan sigui haci negoshi cu Maduro.

E represalianan aki ta enfoca principalmente riba Rusia, cu oficialnan Mericano ta bisa ta maneha hasta 70% di transaccion di petroleo Venezolano cu ta desvia desde cu administracion di Trump un aña atras a hacie ilegal pa Mericanonan cumpra crudo Venezolano.

E sancionnan por ta un pronostico di un fin pa e licencia special di Chevron, cu te awo a duna exencion na e compania basa na California di mester retira di e pais, unda e ta un partner den joint venture cu PDdvsa cu ta produci alrededor di un cuarta parti di e produccion total di e nacion OPEC.

Di su banda, Rusia a acusa administracion di Trump di plama informacion falso pa programa un golpi di estado, mientras e dos banda ta bringando un guera proxy pa influencia na Siria, Ucrania y otro sitio importante rond mundo.

Varios legislado pro-Putin a minimisa e accionnan, bisando cu lo apela na World Trade Organisacion pa elimina locual nan ta considera sancionnan unilateral y ilegal di Merca.

Pero hasta si Putin mantene sosten pa Maduro, no ta cla si e lo continua fia placa na e pais den bancarota.