Cruz Cora Aruba su team di boluntario ta sostene Dokternan di Cas y Ambulance den e tarea di atende pashentnan cu Covid-19. Esaki ta un sistema di warda unda un dokter di cas lo ta disponibel pa casonan di emergencia di Covid durante 7or di anochi pa 7or di mainta. Nan por yama e number 166.
E asistencia aki di Cruz Cora a cuminsa diabierna ultimo. “Nos ta sostene e dokternan di cas cu a bin cu e iniciativa hunto cu DVG pa atende cu pashentnan di Covid cu tin un emergencia na cas,” hefe di Operacion, Marketing y Evento di Cruz Cora, Indra Anthony-Pereira a declara na Bon Dia Aruba
Segun informacion di Cruz Cora Aruba lo tin posibilidad pa haya un evaluacion na cas dor di dokter di cas hunto cu personal di Cruz Cora y ambulance lo ta standby pa si constata cu e pashent mester bay hospital. Tur esaki cu sosten di Cruz Cora
Cruz Cora ta pidi pa por fabor yama # 166. Keda cas y no presenta na Cruz Cora. No ta ricibi bishitante na Cruz Cora, pa asina por cuida boluntario y trahadonan pa nan por sigui cu e trabou di yuda comunitario.
