Pa limita studiantenan internacional di ciencia economico y empresa lo costa e economia Hulandes miyones

(NLTimes)—Studiantenan internacional di ciencia economico y empresa ta contribui mas na e economia Hulandes cu loke nan ta costa. Pa limita nan lo costa e economia miyones, De Telegraaf ta reporta for di un estudio pa SEO Economic Research.

Segun e estudio, graduadonan internacional cu ta keda den Hulanda ta genera mas impuesto y mas ganashi premium. Esakinan ta mas grandi compara cu e costonan di nan uso di cuido medico, siguridad social, subsidionan y financiamento educacional.

Pa para completamente cu e entrada di studiantenan internacional den ciencia economico y empresa lo costa e tesorera entre 7.8 y 67.4 miyon euro pa aña. Hasta un scenario menos radical lo ta caro, investigadonan a bisa. Por ehempel, un reduccion di 20% di e studiantenan aki por costa e economia entre 1.56 y 13.48 miyon euro. Si 20% menos studiante di master’s internacional inscribi, e costo total lo ta entre 19.2 y 86.8 miyon euro.

Aproximadamente un tercer di tur studiante di ciencia economico y empresa den universidadnan Hulandes ta di afo. Minister di Educacion Robbert Dijkgraaf ta trahando riba un legislacion, e Internationalization in Balance Act, pa limita e entrada di studiantenan internacional. Universidadnan tambe ta tumando medida. Y e intervencionnan aki ya caba tin su efecto—e cantidad di studiantenan internacional a reduci un tiki e aña aki pa prome biaha den añas.

Den e estudio di SEO, decenas di compania a trece nan preocupacion dilanti tocante e medidanan cu e universidadnan Hulandes ta tumando contra internacionalisacion. Studiantenan ta crucial nan sobrevivencia, nan a bisa. Un di e companianan aki ta ASML, cual ya caba a menasa pa inverti pafo di Hulanda si e no por recluta talento internacional eynan.

E investigadonan di SEO tambe a conclui cu menos studiante internacional lo tin tiki efecto riba prijsnan di cas na Hulanda. E deficit- y listanan di espera pa studiante ta mas limita cu esnan pa vivienda social, por ehempel. Ademas, studiantenan tin diferente necesidadnan di vivienda compara cu famianan, por ehempel.

Balakrishnan Rajagopal, un ponente special di Nacionnan Uni riba vivienda adecua, tambe a reporta recien cu decadanan di politica gubernamental ta e causa di e deficit di vivienda, no studiante internacional, trahadonan migrante y refugiadonan.