Pa fin di luna Hulanda ta haya 2 miyon vacuna extra

Desde final di April Hulanda ta bay haya casi 2 miyon dosis extra di Pfizer/BioNTech, vacuna di coronavirus. Esakinanta bini acerca di e mey miyon dosis cu Hulanda ta ricibi caba semanalmente.

En total den e di dos kwartaal ta bay entrega na Hulanda casi dies miyon dosis di e vacuna Mericano-Aleman.

Den e ultimo siman di April lo haya rond di 190 mil vacuna extra na Hulandes. For di final di mei Hulanda lo haya mas cu 240 dosis extra pa siman.

Esaki ta e parti Hulandes di e total di 50 miyon vacuna extra cu Pfizer mester entrega na Union Europeo den e di dos kwartaal. E reparticion ta basa riba e grandura di e poblacion di e diferente estadonan miembro di UE.

E entrega tabata planea pa e di cuatro kwartaal di e aña’ki, pero a adelanta esaki debi na problema cu e vacunanan di AstraZeneca y Johnson&Johnson.

Mientrastanto diabierna a ricibi e prome entrega di e vacuna Janssen na Hulanda, un batch di 79.200 dosis. No ta conoci ainda ki dia ta cuminsa administra esaki.

Hulanda a cumpra en total 11.3 miyon vacuna for di e farmaceutico Janssen. Di e prome entrega aki, mita (35.000) ta bay directamente pa hospitalnan. Esaki ta bay pa personal di e hospitalnan.

Schedule entrega di e vacuna di Janssen:

Di dos kwartaal 2021 3 miyon dosis

Di tres kwartaal 2021 6 miyon dosis

Di cuatro kwartaal 2021 2,3 miyon dosis

E diferencia grandi cu e otro vacunanan di coronavirus ta cu esun di Janssen ta aplica solamente un dosis. Pues di un solo tiro por vacuna 79.200 cu e cargamento aki.

Pero ki dia ta cuminsa aplica esaki, no ta conoci ainda. Esaki ta debi cu despues cu e vacuna a yega Hulanda, mester pasa ainda den un proceso di calidad.

Den un control asina ta chek kico ta describi riba e pakete di berdad ta aparece den e tubonan. Pero tambe mester controla tur e documentonan y por ta mester empaketa e vacunanan di nobo.

E vacuna di Janssen ta traha diferente cu esun di Pfizer of Moderna. Mescos cu esun di AstraZeneca, esun di Janssen ta un vacuna cector. E vacunanan aki ta uza un muestra di e virus mes. Banda di esaki ta pone un pida di e codigo genetico di e coronavirus. E parti ey no ta haci daña.

Ora cu e vacubna drenta e curpa di e persona, e curpa ta produci spike-eiwitten. Esakinan ta stimula e anticurpa. Den un futuro contagion cu coronavirus, e ta reconoce esaki y warda. Janssen a uza e metodo aki anteriormente den e vacuna di Ebola.