Fraccion di MAN durante di reunion di tratamento di presupuesto 2021 a haya e super bon noticia cerca Minister di Ministerio di Maneho di Gobernacion
Planificacion y Servicio publico sr. Armin Konket cu gobierno a pone cen disponibel riba presupuesto pa financia cedula nan nobo pa pais Corsou. Parlamentario pa partido MAN sr. Wimbert Hato ya pa algun tempo caba a bin ta pidi gobierno pa trece cambio riba e cedula mirando cu Antias Hulandes no ta existi for di 10 di october 2010. “No ta posibel cu nos pais cu status autonomo y cu ta existi pa dies aña caba y te ainda nos ta cana rond cu un tarheta di identificacion oficial cu escudo y nomber di “Nederlandse Antillen” ainda riba dje. Nos ta ciudadano di un Pais cu no ta existi mas. Cu e decision di gobierno actual pa pone cen disponibel pa cambia e cedulanan ta nifica cu porfin lo bay introduci nos mes identificacion legal oficial como ciudadano miho conoci como nos mes cedula. Un cedula cu nos mes escudo y nos mes nomber Curaçao riba dje.
Bo cedula cu bo mes nomber y bo mes escudo como pais lo yuda crea e sentimento cu bo ta pertenece na un pais y lo soru pa lanta mas amor y balor
pa bo patria. E ta duna bo e sintimento cu bo ta pertenece y cu bo ta parti di e Pais. Fraccion di MAN ta felicita y gradici gobierno cu a yuda fraccion di MAN pa por logra introduci nos mes identificacion legal esta nos mes cedula.”
