Otrobanda Community Center forsa di cera portanan despues di declaracion di corte

(CuracaoChronicle) – E centro pa comunidad Otrobanda mester cera su portanan y paga e huur cu ta debe na fundacion di vivienda FKP, for di aña 2018. Esaki ta e resultado cu a pronuncia ayera den corte.

Den corte, Otrobanda Community Center, SBO, a invoca e statuut di limitacion riba un porcion di e debe di e huur, cual FKP ta bisa cu ta extende riba un periodo di mas di 23 aña. Corte a declara cu SBO su invocacion di e statuut di limitacion ta exitoso pa loke ta trata e huur te cu 2018, mirando cu e limitacion pa pago di huur cu debe ta 5 aña. Esaki ta nifica cu SBO a logra scapa di 770,000 florin den e debe cu a acumula durante 23 aña.

E acuerdo entre SBO y FKP inicialmente tabata pa un periodo di 5 aña, pero esaki a keda extendi silenciosamente pa 2 aña cada biaha. E suma di huur mensual tabata di 2.800 sinembargo SBO nunca a paga esaki. Esaki a causa cu FKP a duna varios recordatorio di pago y notificacion. SBO a argumenta cu no a paga huur pa e periodo di di februari 2018 te cu februari 2023 pa motibo cu nan no ta ricibi subsidio y ta sirbi cu un proposito sin fin di lucro. Sinembargo, FKP a bisa cu SBO ta obliga paga rent a base di e acuerdo entre ambos partido. Corte a declara cu, manera e contract ta stipula, SBO ta responsabel pa e huur na FKP y cu no ta fuera di logica pa FKP busca pago pa esaki.