Diamars durante oranan di mainta pa mas o menos 10or di mainta alarma central ta notifica central di polis di un caso na Tobelstraat San Nicolas di un señora cu no ta duna señal di bida den su cas.
Na yegada di patruya na e cas ta topa cu personal di ambulance . E señora den e cas no ta duna señal di bida y ta mustra di no ta un morto natural.
A pidi presencia di recherche y tambe polis tecnico. Fiscal tambe a presenta na e sitio y slachtofferhulp. Pa .11:25 dr Texier ta constata morto di e señora R.R.N.K. naci na Aruba di 33 aña di edad. Fiscal a laga tuma confisca e curpa.
E sospechoso a ser deteni Kenny Dirksz y a wordo gara djis net prome cu e kier a subi un boto y huy. Manera nos a informa un rato pasa, tabata sospecha cu e homber aki lo a huy bay cu boto, pero no tabata asina. Informacion cu nos a ricibi ta bisa cu e homber, cu ta e sospechoso principal den e caso di asesinato aki, a wordo gara dor di Team di Aresto di Polis na San Nicolas mes. Hasta e auto cu e sospechoso a uza pa huy for di e sitio di e crimen a wordo haya na Zeewijk, cu ta un Kia Rio color blanco y esaki a wordo confisca. E caso ta bao investigacion.
