Un temblor di magnitud 7.1 a dal central di Mexico riba diamars, destruyendo algun edificio, net riba aniversario di un temblor cu nan a haya den 1985, cual tabata un temblor cu a causa mas o menos 9,500 morto. E temblor a causa panico den cayanan di Mexico, ainda no ta conoci con grandi e daño ta ni tampoco cuanto victima mortal of herido. Aeropuerto a keda cera anto a para operacionnan temporalmente. E noticia aki ainda ta den desaroyo.
Miles di hende a evacua edificionan den ciudad di Mexico, calmando y brasando otro
den cercania di avenida Reforma rond di e monumento di independencia. Den e bario di Roma, cual ta esun cu a haya mas sla den e temblor di 1985, a bolbe sufri di dañonan grandi na monumentonan.
Presidente Enrique Nieto a yama Comision Nacional di Emergencia pa evalua e situacion y coordina cualkier accion. E temblor aki ta bini despues di un temblor di magnitud 8.1 cu a dal na e parti sur di e pais siman pasa, cual a laga 61 morto.
